“Tağın da ğädelräk dönya mömkin”
Türkiyä İlbaşı idaräseneñ êlemtä räislege Bel’giya başqalası Bryussel'däge Awrupa parlamentında "Tağın da ğadelräk dönya mömkin" isemle panel oyıştırdı
Berläşkän Millätlär Oyışması qorılışındağı kimçeleklär häm bolarnıñ beterelüe öçen kiräkle reformalar quzğatılğan paneldä Awrupanıñ törle illärennän belgeçlär tağın da prinśipial’, kiñ qolaçlı, strategik häm tormışqa aşırırlıq model’ öçen perspektivaların täq’dim itte.
Awrupa Berlegenıñ êlemtä häm xalıq belän mönäsäbätlär kiñäşçese Joanna Magdalenanıñ moderatorlığında xäzerge qorılışnıñ yaña yanawlar öçen citärle çişeleşlärne täêmin itäçäk torışta bulmawın bäxäsläşkän belgeçlär Türkiyä İlbaşı Räcäp Tayyip Ärdoğannıñ "Tağın da gadelräk dönya mömkin” isemle kitabında işarät itkän fikerlär belän bäyle qaraşların belderde.
“TRT World”nıñ tışqı säyäsät belgeçe Yosıf Ärim BMOnıñ xäzerge qorılışı (strukturası) belän qaçaqlar mäs’äläse, terrorçılıq häm klimat üzgäreşläre kebek global’ problemalarnı xäl itüdä kim buluına basım yasadı.
Ärim Afrika häm Kön’yaq Amerika qıytğasınıñ BMO İminlek şurasında daimi wäkilçelegenä ixtıyac buluın iskärtep uzdı.
Awrupa parlamentınıñ säyäsät häm strategik êlemtä kiñäşçese, politolog İpäk Täkdämir dä Awrupa Berlegeneñ dönya tärtibeneñ tağın da ğadelräk torışqa äyländerelüe öçen yasala alınaçaq adımnarğa qağılışlı qaraşı belän urtaqlaştı.
“Awrupa konservatorlar häm reformatorlar” partiyasınıñ êlekke ğomum direktorı Riçard Milsom da 70 yıllıq dönya tärtibeneñ yaña yanawlarğa çişeleş tabuda citärsez qaluına basım yasadı.
“Awrupa kürşelär şurası” töşençä oyışmasınıñ direktorı Samuel Doveri Vesterbye Törki däwlätlär oyışması kebek kütärelep baruçı oyışmalarnıñ bu mäğ’nädä ähämiyäte turında äytte.
NATO häm töşençä oyışmaları öçen Strategik analitik häm säyäsät kiñäşçese Maurizo Geri dä BMO İminlek şurasındağı küpçelek tawışqa qarşı veto mäs’äläseneñ demokratik qorılışqa turı kilmägän, iskergän añ-fiker buluın belderde.
