Törkiyädä êkologik ğamällär
Törkiyä yañartıla torğan ênergiya öçen êkologik ğamällärgä möräcäğät itä
Äylänep toruçı turbinalarnıñ ciñelçä guyıldäwe …
Türkiyäneñ Ägäy yar buyında urnaşqan İzmirneñ Çäşmä ilçäsendäge
bu cil ênergiyası stanśiyasendä bez işetkän berdänber tawış şuşı ğına.
Bu däw turbinalar ilneñ êlektr ênergiyasın êşläp çığaruğa öleş kertä.
Säncär Özän, İzmir üseş agentlığı:
“Törkiyäneñ berençe cil ênergiyası stanśiyası 1998nçe yılda Çäşmädä salındı.
Ul waqıttan birle çista ênergiya citeşterelüe mäs’äläsendä möhim adımnar yasaldı.
2006nçı yıldan birle xökümätneñ cirle materiallarnı qullanunı täşviq itüe
cil ênergiyasınıñ häm lokalizaśiyälänüenä, häm üseş aluına,
häm dä ildäge qoyaş ênergiyası tarmağına öleş kertte.”
Törkiyäneñ yañartıla alınğan ênergiya tarmağı xökümätneñ yaqlawçı säyäsätläre
häm finans çığanaqlarınıñ kübäyüe näticäsendä uzğan 10 yılda külämen öç märtäbä arttırdı.”
Äbru Arıcı, Törkiyä cil ênergiyası berlege:
“2021nçe yılda êşläwçe cil ênergiyası stanśiyälärebezneñ urtaça köçenä qarağan çaqta
37%tan kübräk buluın küräbez.
Bu da Awrupanıñ häm qoyaş häm dä cildäge köçeneñ
ikelätä külämenä iyä buluıbız mäğ’näsenä turı kilä.”
Yäşel ênergiyağa küçü global’ êkologik kön tärtibeneñ iñ başında tora.
Tirä-yaqnı iñ küp pıçratuçı Qıtay häm AQŞ belän bergä 70tän kübräk il
40 yıl êçendä nol’ êmissiya süzen birde.
Bu illärdän berse bulğan Türkiyä, Parij klimat kileşüen raslap,
klimat krizisı belän köräş tırışuların tizlätterde.
Monnan tış cil häm qoyaş ênergiyasın êşläp çığaruın da arttırırğa tırışa.
Türkiyä ayıruça Awrupa Berlege urtaqlığında törek häm ispan êşmäkärläreneñ
yäşel üseşne häm êkologik yaqtan daimi iq’tisadi üseş alunı
täşvik itüläre maqsatınnan çığıp “Best for Energy” isemle proyıktqa da çığanaq täêmin itä.
Kübra Akkoç, Çäşmä
Türkiyä “Türkiyä yäşel üzgäreş yulı”nnan bara.
İlneñ ênergiya ixtıyacınıñ yartısınnan kübräge yañartıla alınğan çığanaqlardan kilä.
Türkiyä qoyaş häm cil ênergiyası citeşterüendä Awrupada bişençe,
dönyada 12nçe urında tora.
Bu proyıktlar näticäsendä Türkiyäneñ 2053nçe yılğa xätle
nol' êmissiya maqsatına ireşüe kötelä.
Kübra Akkoç, TRT World, Çäşmä, Türkiye
