Altun: “İstanbul - irek, tolerantlıq häm tınıçlıq fakelı”

Êlemtä başlığı Altun İstanbulnıñ ciñep alınuının 569 yıllığı mönäsäbäte belän “Twitter” akkauntınnan inglizçä yazma belän urtaqlaştı.

"Bügen (kiçä) tarixnıñ ağımın axırğaça üzgärtkän mizgelne iskä töşeräbez häm qotlıybız,” – dip äytüçe Altun: "Yäş’, ämma qararlı lider, berkem dä başqara almağan närsäne başqaru öçen yulğa çıqtı. 2nçe Mäxmätneñ (Fatix Soltan Mäxmätneñ) küzallawı, vizionı häm ğayräte kiläse buınnarğa ürnäk buldı. Bez İstanbulnıñ ciñep alınuınıñ 569 yıllığında şuşı mizgelneñ keşelek tarixındağı ähämiyäten uylarğa tiyış. Bu waqıyğa berläşterüçe wazıyfasın ütäp, śivilizaśiyälärne ayıru urınına berläşterde," – dip belderde.

Êlemtä başlığı, İstanbulnıñ altı ğasır buyı irek häm tınıçlıq fakelı buluına iğ’tibarnı yünältep:

"2nçe Mäxmät şuşı zur uñışnı häm monıñ İslam öçen nindi mäğ’nägä turı kiläçägeneñ ilhamın Päyğambärebezneñ aldan belderüennän alğan. (Fatix) Ber ük waqıtta Vizantiya häm Rim śivilizaśiyäläreneñ mirasın üz östenä alaçağın da abaylap aldı. Fatix Soltan Mäxmätneñ şuşı böyık şähärne İslamiyätkä täq’dim itü süzen ütäw vizionı başqa mädäniyätlärne saqlawnı, başqalarına qarata xörmät häm tüzemlelek kürsätüne dä üz êçenä ala ide. Anıñ ürnägen iskä töşergän çaqta, bügen bezgä mondıy märxämätneñ küpme kiräklegen xäterlibez. İstanbul altı ğasır buyı böten mädäniyätlär häm dinnär öçen irek, tolerantlıq häm tınıçlıq fakelı buldı,” – dip äytte.