Änilär köne

Bügen – änilär bäyräme, bügen cirdä tantana, qoyaş şuňa kölä bügen, göllär şuňa şatlana. Äni – härkemgä yaqın, izge, ğaziz keşe. Anıň yanında awırlıqlar onıtıla, qayğılar betä, ömetlär yaňara. Änilärneň yağımlı, yomşaq süzläre balağa ğomer buyına yuldaş bula.

Cir yözendä iň güzäl, iň olı süz, iň matur süz – äni! Äni dip bezneň telebez açılğan. İň täwge adımnarıbıznı da äni yärdämendä atlap kitkänbez. Äniyeňne yaratuıň niqadär zur bulsa, yäşäweň şul qadär yaqtı, şatlıqlı bulır.

İslam dinenä kürä cännät - änilärneň ayaqları astında. Änilärebezgä xörmät kürsätü cännät qapqalarınıň açqıçın büläk itär.