Tatar aşları restoranında Narduğan bäyräme qotlandı

2018nçe yılnıñ 30nçı dekabr’ könne Törkiyä başqalası Änkarada urnaşqan “İdiliya” tatar aşları yortında törki dönyanıñ urtaq häm borınğı yolası bulğan Narduğan bäyräme oyıştırıldı.

Ayaz ana rolendäge Alsu Atamtürk belän Ayaz ata rolendäge Levent Bulut alıp barğan bäyräm cıyınında balalarğa törek telendäge xayvan isemnäreneñ tatarçağä tärcemäsen soraw kebek törle uyınnar ütkärelde, cır-biyülär başqarıldı.

Törek qardäşläre häm qırım tatar wäkilläre belän bergä Törkiyädä ğomer itüçe ildäşlärebez dä qatnaşqan cıyında kümäk räweştä “Uftanma” cırı da cırlandı.

Narduğan bäyräme yolası bularaq iske yılda qaluın telägän tiskäre waqiğalar, naçarlıqlar yazılğan qäğäzlär uçaqta yandırıldı, yaña yılda buluın telägän teläklär yazılğan tuqıma kisäkläre çırşığa bäyläp quyıldı.

Facebook: Әнкaрaдa Нaрдугaн бәйрәмe / Änkarada Narduğan bäyräme

Youtube: Әнкaрaдa Тaтaр aшлaры йортында Нaрдугaн бәйрәмe / Änkarada Narduğan bäyräme