Betlärne çığarunıñ iñ êffektiv tabiğıy ısulları
Sälamät bulıyq 01/2022
Sälamät bulıyq 01/2022
Betlänü – härkemdä kürenä alınğan yoğışlı awıru.
- Sirkä-uksus
Aq sirkä-uksus – betlärdän arınu öçen iñ täêsirle ısullardan berse.
Ber ük proporśiyada bulu şartı belän aq uksusnı-sirkäne häm sunı sawıtqa quyıp bolğatığız. Barlıqqa kilgän qatnaşmanı böten çäçkä häm baş tiresenä sörtep, 1-2 säğät kötteregez. Annan soñ neçkä aralıqlı bet tarağı belän çäçläregezne tarap, ülgän betlärne çäçlärdän çığarığız. Häm soñınnan çäçegezne şampun’ belän yuığız.
- Vazelin
Kiräkle äyberlär
- Vazelin
- Neçkä teşle bet tarağı
- Şampun’
Yasaluı: Küp itep vazelin alıp, baş tiregezgä sörtegez. 1 säğät kötteregez häm bet tarağı belän tarağız. Soñınnan çäçläregezne şampun’ belän yuığız. Monı betkänçegä çaqlı başqarırğa bula.
- Êfir mayı qatnaşması 1
Kiräkle äyberlär
- 5 tamçı êvkalipt mayı
- 5 tamçı rozmarin mayı
- 5 tamçı zäytün mayı
Yasaluı: Maylarnı quşıp böten baş tiregezgä sörtegez. Massaj yasağannan soñ 1 säğät kötegez häm soñınnan bet tarağı belän tarağız.
- Êfir mayı qatnaşması 2
Äyberlär
- 5 tamçı bötnek mayı
- Beraz zäytün mayı
- Alma sirkäse-uksusı
- Bet tarağı
Yasaluı: Bötnek mayı belän zäytün mayın quşığız. Bu qatnaşmanı baş tiresenä häm böten çäçläregezgä massaj yasap sörtegez. 1 säğät kötkännän soñ yuığız. Annan soñ sörkälär küp bulğan urınnarğa alma uksusın-sirkäsen sörtegez. 15 minuttan soñ bet tarağı belän tarağız. Monı 4 tapqır yasıy alasız.
- Zäytün mayı
İñ êlek zäytün mayın baş tiregez yanmayaçaq itep cılıtıp, 1 aş qaşığı limon suın quşığız. Barlıqqa kilgän qatnaşmanı böten çäçkä häm baş tiresenä sörtep, käpäç belän yabıp, 1 tön kötärgä kiräk. Soñınnan neçkä aralıqlı bet tarağı belän çäçläregezne tarap, ülgän betlärne çäçläregezdän çığarığız. Annan soñ çäçegezne şampun’ belän yuığız.
- Kokos mayı
Çäçläregezne berniçä öleşkä ayırıp, kokos mayın sörtep, 15-20 minut kötegez. Annan soñ neçkä aralıqlı bet tarağı belän çäçläregezne tarap, ülgän betlärne çäçläregezdän çığarığız. Soñınnan çäçegezne şampun’ belän yuığız.
- Zäytün mayı häm kokos mayı
İñ başta zäytün mayın häm kokos mayın quşıp, qatnaşmanı yasarğa kiräk. Bu qatnaşma belän çäçläregezne yuğannan soñ alma sirkäse-uksusı belän bergä bet tarağı belän tarağız. Bet yomırqalarınıñ ğomere 1-5 atna arasında üzgärä ala. Şuña kürä betlärdän tulısınça qotılğançığa çaqlı bu ısulnı däwam itärgä kiräk.
- Alma sirkäse-uksusı häm qıçıtqan qatnaşması
Keçkenä çülmäk (kastryul’) êçenä 2 su stakanı (500ml) su salığız häm sunı qaynatığız. Su qaynağannan soñ êçenä 1 aş qaşığı kipterelgän qıçıtqannı quşığız häm 5 minut qaynatığız. Qıçıtqan qaynağannan soñ cılınuın kötegez. Cılınğannan soñ qıçıtqan suın urta zurlıqtağı bankağa sözep salığız. Qıçıtqan qatnaşması äzer.
Annan soñ mömkin bulsa öydä yasalğan sirkä-uksusın, ägär yuq ikän, alma uksusın-sirkäsen su belän quşıp, baş tiresenä massaj yasap sörtegez. Uksusnı başta baş tiresenä, annan soñ çäç oçları belän bergä böten çäçläregezgä sörtegez. 30-35 minuttan soñ taraq belän tarağız häm duşqa kerep, tabiğıy sabın belän çäçlärne yaxşılap yuığız. Duştan çıqqançı qıçıtqan qatnaşmasın tulısınça çäçegezgä tügegez. Qıçıtqan qatnaşması yartı säğät çäçegezdä qalğannan soñ çäçegezne barı tik su belän genä yuığız. Bu ısulnı da atnada 1 tapqır başqarıp, bik qısqa waqıtta betlärdän häm sörkälärdän qotıla alasız.
- Alma uksusı-sirkäse häm kokos mayı
Kiräkle äyberlär
- Kokos mayı
- Sirkä-uksus
Alma sirkäse belän çäçläregezne tulısınça yuışlätegez. Sirkä-uksus çäçegezdä yaqınça 15-20 minut êçendä qorıy. Çäçkä uksus yaxşılap señgännän soñ häm qorığannan soñ uçığızğa kokos mayın alıp, böten çäçegezne maylağız. Annan soñ çäç käpäçe, streyç-plyanka yäki marlya belän böten çäçläregez urap quyığız. Yaqınça 6-7 minuttan soñ çäçegezdäge sölgene salığız häm rakovinağa iyılep, çäçegezne yaxşılap tarağız. Soñınnan duşta çäçegezne şampun’ belän yuığız. Monı atnada 2 tapqır yasap, qısqa waqıtta betlärdän häm sörkälärdän qotılırğa bula.
Sarımsaq
10 töş sarımsaqnı yaxşılap izep, 3 aş qaşığı limon suı belän bolğatığız. Sarımsaqlar tulısınça su êzleklelegen alırğa tiyış, yuğisä çäçläregezdä sarımsaq kisäkläre qalaçaq. Pasta qatnaşması torışına citkerelgän qatnaşmanı böten çäçkä häm baş tiresenä sörtep, 30 minut kötegez. Annan soñ neçkä aralıqlı bet tarağı belän çäçläregezne tarap, ülgän betlärne çäçläregezdän çığarığız.
- Aloe Vera geli
Aloe Vera gelin başığızğa sörtep, käpäç belän yabıp, çäçegez qorığançığa çaqlı kötärgä kiräk. Soñınnan alma uksusı-sirkäse belän bergä bet tarağı belän tarağız.
- Bet şampune
Çäçegezdäge betlär küp bulmağan oçraqta daruxanädän sezgä iñ yaraşlı bet şampunen alıp, instrukśiyasına qarap qullana alasız.
Avtor: tabib Mäxmät Uçar