Mikoz xastalığın üsemleklär belän däwalaw

Bügenge yazmada mikoz xastalığına qarşı üsemleklär belän êffektiv däwalaw ısulları turında süz alıp barabız.

Sarımsaq

Sarımsaq mikozlar mikrobın üterüçe täêsirgä iyä.

Qullanu räweşe:

Mikozlar xastalığına qarşı här kön 2 yäki 3 sarımsaknı salatlarğa yäisä aşlarğa quşarğa bula. Sarımsaqnı yoğurt belän aşarğa bula.

Sarımsaqnı turıdan-turı tiregä sörtü yarsuğa säbäp bulırğa mömkin. Monıñ urınına izelgän sarımsaqnı zäytün mayı yäki kokos mayı belän quşarğa mömkin. Mamıqnı qatnaşmağa batırıp alırğa häm mikoz bulğan urınğa neçkä qatlam räweşendä sörtergä. 2 säğät kötärgä häm yuarğa. Uzğançığa çaqlı ber köndä 2 tapqır qullanırğa.

Kurkuma

Kurkumanıñ êçendäge kurkumin komponentı antifungal êffektlarına iyä.

Qullanu räweşe: 

Kurkumanı turıdan-turı qullanu mikoz infekśiyäläre östendä tağın da täêsirle bula.

Bigräk tä quldağı häm ayaqtağı mikozlarda qullanılğan kurkuma üsemlege poroşok räweşendä alına häm êçenä su östäp quşıla. Qamır şikelle bulğan şuşı qatnaşmanı mikoz barlıqqa kilgän urınnarğa krem kebek sörtergä. Annan soñ yaxşı itep kipterergä häm yaqınça 15 minuttan son su belän yuarğa. Här kön qabatlarğa bula.

Kokos mayın da quşarğa bula häm pasta kebek mikozlı urınğa sörtergä.

İskärmä: Kurkuma tiregezneñ sarı bulıp kürenüenä säbäp bulırğa mömkin, läkin berniçä könnän soñ yuqqa çıqqanı öçen borçılmasqa kiräk.

Yäşelçälär

Mikoz awıruı bulğan oçraqta kişer, töçe torma, çögender, bäränge häm tämle bäränge kebek kraxmal küläme yuğarı bulğan yäşelçälärdän saqlanırğa kiräk.

Bu rizıqlar urınına kraxmal küläme tağın da tübän bulğan brokkoli, tösle käbestä häm sparja kebek qaynatılğan yaña organik yäşelçälärgä östenlek birergä kiräk. Bik şikärle äyberlär aşalsa mikozlarnıñ barlıqqa kilüe tizläner.

Alma sörkäse

Alma sörkäse mikoz qıçıtunı beterügä yärdäm itä ala.

Qullanu ısulı:

 Mamıq kisägen alma sörkäsenä batırıp, awıru bulğan urınğa sörtergä. Monı ber köndä 3 tapqır yasarğa.    

Fermentlanğan söt produktları

Laktik kislota bakteriyaları belän fermentlanğan söt êşlänmäläre bik yaxşı probiotik çığanağı. Äyran, yogurt, sır, kifer kebek söt produktları faydalı mikroplarnıñ sanın arttırıp, mikoz xastalığına qarşı organizmnı küätländerä.

Nim ağacı yafrağı

Nim ağacı yafraqlarınıñ êkstraktı tiregä möhim xastalıqnı täşkil itüçe mikroplarnı häm mikozlarnı beterergä mömkin.

Qullanu räweşe:

Nim yafraqları berniçä minut qaynatıla. Suınğannan soñ mikozlar bulğan urınğa sörtergä.

Kinder häm çia orlıqları

Kinder häm çia orlıqları probiotiklarnıñ üsüenä köç birep, mikoz xastalığına qarşı organizmnı küätländerä. Kinder häm çia orlıqların salatlarğa yäki yoğurtqa quşıp aşarğa bula.

Kokos mayı

Kokos mayı barı tik ciñelçä häm urta däcäräcädäge mikoz zararlanuında täêsirle bulırğa mömkin.

Qullanu räweşe:

Kokos mayı mikozlı urınğa ber köndä 3 märtäbä sörtelä. Mikoz beterelgännän soñ häm kokos mayın dımlawçı bularaq qullanğannan soñ da xätta berniçä atna buyı qullanırğa, kiläçäktäge nindi dä bulsa mikoz infekśiyasın totqarlaw öçen êffektiv yul bulırğa mömkin.

Oregano mayı

Oregano mayı mikoznıñ zurayun tuqtata ala.

Qullanıluı:

İnfekśiyälängän urında oregano mayın qullanırğa bula. Ber köndä 3 tapqır.

Çäy ağacı mayı

Çäy ağacı mayı – bügenge köndä mikoznı däwalawda êffektiv bulğan häm kiñ bularaq qullanılğan êfir mayı.

Niçek qullanırğa:

Kokos mayı belän 2% külämendä êretelgän çäy ağaçı mayın quşarğa. Mikozlı urınğa ber köndä 3 tapqır sörtergä. 

Gorçiśa:

Ber qaşıq gorçiśa mayı mikozlı urınğa sörtelep, yartı säğät kötärgä. Annan soñ duşqa kerep şuşı maylı urınnarnı yuarğa.

Monda êffektiv näticä alu öçen bigräk tä ber yäki ike atna däwam itü bik möhim. Ayıruça gorçiśanı poroşok xälendä beraz su östäp, qamır torışına kiterep mikozlı urınğa massaj yasap sörtkännän soñ qorıpançı kötärgä kiräk. Qorığannan soñ küp su belän yuarğa.

Papaya üsemlege:

Ölgergän papaya üsemlegeneñ ber öleşen kisep, mikozlı urınğa sörtergä. Bik tiz tınıçlandıruçı häm mikoz xastalığında uñay yoğıntısı bar. Ayıruça yanunı, qıçıtunı ciñeläytä häm räxätlätä.

Avtor: tabib Mäxmät Uçar