Betçälär

“Sälamät bulıyq” tapşıru tezmäbezneñ bügenge çığarılışında betçälär (akne) xaqında süz alıp barabız.
Dön’yada iñ yış oçrıy torğan tire probleması bulğan betçälär üsmer çaqtan başlana.

Akne pıçraq, üle tire häm başqa törle säbäplär arqasında tığılğan küzänäklärdä barlıqqa kilergä mömkin. Tığılğan küzänäklär qara noqtalarğa yäki yalqınsınuğa da kiterä. Betçälär may bizläreneñ çiktän tış aktiv buluınnan, gormonal’ üzgäreşlär, stress, naçar diyeta, darularnıñ tiskäre täêsire häm gigiyena qağıydälären citärlek däräcädä ütämäw arqasında bulırğa mömkin.

Betçälär ,däwalanmasa, yaralar häm êzlär barlıqqa kiterä.

Öydä êşläp bula torğan qayber tabiği reśeptlar belän betçälärdän qotılırğa bula.
 

Limon suı häm darçin

Darçin häm limon suı betçälärne däwalawda qullanılğan bakteriyälärgä qarşı köçle maddälär. 2 aş qaşığı yaña sığılğan limon suına 1 aş qaşığı darçin quşıp bolğatabız. Qatnaşmanı betçälärgä sörtäbez, 15-20 minuttan soñ cılımsa su belän yuabız ,dımlandırabız, atnada 2-3 tapqır qabatlıybız. 

Limon häm kurkuma

Kurkuma awırtu häm yalqınsınunı kimetä.

Kurkuma belän limon suın quşıp betçälärgä sörtegez. 15-20 minuttan soň cılı su belän yuığız, atnada 2-3 tapqır qabatlağız. Kurkuma tiregezdä beraz sarı tös qaldırırğa mömkin, ämma ul yözegezne berniçä tapqır yuğaç betä.

Ästerxan çikläwege häm yözem  aşamağız

Ästerxan çikläwege häm yözem aşamasqa tırışığız. Çikläwek häm yözem betçä yaraların arttıra.

Limon häm roza suı

Roza çäçäge suı betçäle yalqınsınğan tirene tınıçlandıru öçen bik faydalı. 1 aş qaşığı limon suı belän 1 aş qaşığı roza  suın quşabız. Sıyıqlıqnı mamıq belän  tiregä sörtäbez. 20 minuttan soň salqın su belän yuabız. Näticäsen kürgänçe kön sayın qabatlıybız.  

Lävän (lavanda) çäye

Lävän (lavanda) çäye dä betçälärgä uňay yoğıntı yasıy häm betçä êze qaludan saqlıy.

Yäşel çäy

Daimi räweştä yäşel çäy êçü betçä çığudan saqlıy. Anı şulay uq betçälärgä sörtergä dä bula.

Bal

Bal betçäle tirene tözätä häm tirene tağın da yaxşırta.

Organik alma serkä

Serkäneň antibakterial’ häm antimikrobial’ üzençälekläre betçälärne kipterü öçen täq’dim itelä. Monıň öçen 1 aş qaşığı organik alma serkäsen 2 aş qaşığı su belän quşıp mamıq belän betçäle urınğa irtä häm kiç kompress quyıla. Şul räweşle berniçä könnän betçälär kibäçäk.

Mineral’ su häm alma serkäse

Atnada 3 tapqır yartı çınayaq mineral’ su belän alma serkäse qatnaşmasın betçälärgä sörtä alasız.

Öydä yasalğan tabiği yoğırt

Yoqlarğa yatar aldınnan tiregezgä 1 qaşıq yoğırt sörtegez ,10 minut kötegez häm cılı su belän yuığız.

Kokos mayı

Kokos mayı tirene tuqlandıra häm dım balansın saqlarğa yärdäm itä. Tabiği kokos mayı alığız häm kön sayın irtän anıň belän bitegezne dımlandırığız. Ul betçälärne kipterenü häm küzänäklärne kısunı tizlätä. Ägär soňğı könnärdä yözegezdä betçälär artqan ikän makiyajığıznı kokos mayı belän çistarta alasız.

Qahwä

Şikärsez peşerelgän qahwäne êçkännän soň töbendäge qalqıqların yözgä sörtep 10 minut kötterü dä  betçälärgä uňay täêsir itä. 

Lävän mayı

Kiçen lävän mayı belän betçäle urınnarğa massaj yasıy alasız.

Tabib Mäxmät Uçar