Möxämmät Mähdiyev äsäre buyınça fil’m töşerelä

Tatarstannıñ Arça rayonında Möxämmät Mähdiyevneñ “Bez – qırıq berençe yıl balaları” äsäre nigezendä fil’m töşerelä başlıy. Bu xaqta “Tatar-inform” mäğ’lümat agentlığı xäbär itä. Sśenariynıñ avtorı – Älfirä Mähdiyeva. Rejissyer – Ämir Ğaliäskärov. Töşerü rayonnıñ Göberçäk awılında baraçaq.  

Rejissyer äytkänçä, kitapta, suğış dähşätenä qaramastan, yumor, balalarğa xas tabiğıylıq küp. Ul bu qatlawlı bäyläneşne fil’mda da kürsätergä tırışaçaqlarına ışandıra.

Töşerüçelär kartinanıñ zur qızıqsınu uyataçağına ömetlänä. Fil’m üze tatar telendä, anı rusça subtitrlar belän yasarğa niyätlilär. “Bu fil’mnıñ bay festival’ tarixı buluın telär idek,”-di Ämir Ğaliäskärov.

Rejissyer söyläwençä, qışqı säxnälärne töşerü ike kön däwam itäçäk, êşneñ qalğanı cäy köne bulaçaq.