Törkiyä qara altında maqsatların arttırdı

Törkiyä cömhüriyät tarixındağı neft’ citeşterü rekordın uzdırdı. Tulayım köndälek citeşterü 100 meñ miçkädän arttı.

Gabarda tabılğan neft’ bu prośessta iñ ähämiyätle rol’ne uynadı. “Şähit Aybükä Yalçın” häm “Şähit Äsma Çävik” qara altın çığaru mäydannarında da köndälek citeşterü 40 meñ miçkädän arttı. Şulay itep, Törkiyä 2024nçe yılda neft’ citeşterü maqsatın yılnıñ 3nçe ayı tögällängändä quıp citte. 2024nçe yıl öçen maqsat başta 150 meñ miçkägä citü, annarı - 200 meñgä.

Törkiyä neft’ akśionerlıq cämğıyäte “Şähit Aybükä Yalçın” mäydanında yaña açış urınındağı neft’ yatmasınıñ - yaqınça 1 milliard miçkä, çığara ala torğanınıñ yaqınça 600 million miçkä buluın farazlıy.

Şırnak töbäge qara altın çığaruda ähämiyätle urın totsa da, älege mäydannarnıñ tizdän kiñäytelüe kötelä. Bigräk tä, Xakkari häm Vanda bik qısqa waqıt êçendä yaña borawlaw êşçänlekläre başlana. Bu töbäktä citdi külämdä neft’ yatmaları buluı farazlana. Borawlarnıñ 2 meñ 500 belän 4 meñ 500 metr tiränleklärdä baruı assızıqlana. Ozaq waqıtlı plannarğa qarağanda, 14 töbäktäge 18 mäydanda neft’ êzläw êşçänlekläre başlanaçaq.

Töbäklärgä kilgändä, Van häm Xakkaridan tış, isemlektä Gaziantäp, Antaliya, Çanakkalä, Şanlıurfa, Zonguldak, Diyarbaqır, Bartın, Qarabük, Kastamonu, Älaziğ, Ädirnä, Qaxramanmaraş häm Kilis urın ala. Neft’ citeşterü artu belän bergä Törkiyäneñ täwge êtapta qara altın ixtiyacınıñ 20%ınıñ milli çığanaqlardan qanäğat’länderelüe kötelä. Xisaplawlarğa qarağanda, yaña açışlarnıñ iq’tisadqa kertkän öleşe yılına 3 milliard dollardan artacaq.

  Gabarda neft’ütkärgeç tözelä

Törkiyä xäzerge waqıtta töbäktäge neft’ne ciröste yulınnan taşıy.Tik Gabar häm töbäktäge başqa qara altınnı töp ütkärgeçlärgä iltü öçen ütkärgeçlär liniyäse êşçänlekläre dä bara.

Gabardan BOTAŞnıñ “İdil” stanśiyäsenä iltüçe neft’ çimalı ütkärgeçe tözelä. Älegä anıñ yartısına yaqını tögällände. Älege neft’ “İdil” stanśiyäsennän isä Cäyxan häm Dürtyulğa barıp citäçäk. Şulay itep, neft’neñ tağın da caylı importlanuına mömkinlek açılaçaq.

Ämma Törkiyäneñ neft’ xikäyäse barı cirdäge mäydannar belän çiklänmi. Diñgez mäydannarında da êzläw êşçänlekläre tizlegen kimetmiçä 4 borawlaw köymäse yärdämendä däwam itä. Alardan “Fatix”, “Yavuz” häm “Kanunı” korabları - Qara diñgezdä, “Abdülxamid Xan” isä kübräk Urta diñgez töbägendä seysmik tikşerenü häm borawlaw êşçänlekläre tormışqa aşıra.