Tatarstan xäbärläre 11/2024
Tatarstan häm tatar dön’yasındağı qayber waqıyğalarğa qısqaça küzätü
Tatarstan Räise Uraza ayı belän qotladı
Tatarstan Räise Röstäm Miñnexanov telegram-kanalında barlıq möselmannarnı Ramazan ayı başlanu belän qotladı.
“İzge Ramazan ayı möbaräk bulsın” – dide Röstäm Miñnexanov.
Ramazan ayı başlanu uñayınnan Tatarstan möftiye (мөфтие) Qamil Sämigullin da respublika xalqına möräcäğät itte.
Möftineñ möräcäğätendä äytelgänçä, Tatarstanda Ramazan ayı waqıtında mäçetlärdä iftarlar häm täravixlar oyıştırıla, berençe könnän ük kürkäm ğadätkä äylängän “Ramazan – izge ğamällär ayı” xäyriyä marafonı iğ’lan itelä, uramnarda izge ay moxiten tudıru öçen ütkärelä torğan “Nurlı Ramazan” bäygese qatnaşuçıları arasında xacğa yullama uynatıla, 12nçe Respublikaküläm iftar uza һ.б.” diyelä Tatarstan möftiyeneñ möräcäğätendä.
Tatarstannıñ Çallı qalasında May çabu bäyräme uzdırıla
Çallı xalqın bäygelär, teatr tamaşaları, törle küñel açular, yolalar, yarışlar, äylän-bäylännär kötä. Şulay yq bäyrämne fol’klor nomerları häm şähär icat kollektivlarınıñ matur çığışları da bizäyäçäk. Häm, älbättä, böten mäydançıqlarda da xalıq qaynar qoymaqlar belän sıylana alaçaq.
Kürkäm tradiśiyä (традиция) bularaq May çabu bäyräme qışqı qaraçqını yandıru belän tämamlana.
Çallıda May çabu bäyräme 16nçı martta dürt mäydanda bulaçaq.
Mäskäwneñ Tatar mädäniyät üzägendä yäşlär (яшьләр) öçen “KeLKe kiçäse” buldı
Anı Mäskäw tatarları avtonomiyäse häm “KeLKе” tatar cämğıyäte oyıştırdı, dip xäbär itelä Mäskäw tatarları avtonomiyäse saytında.
Çarağa kilüçelär aldında Mäskäw tatarları avtonomiyäse başlığınıñ yäşlär (яшьләр) belän êşläw urınbasarı İldar Zıyatdinov çığış yasadı.
Kiçä qunaqları “Köyne tanı” uyının uynadılar, rässam Liliyä Safinanıñ kartinaları aukśionı (аукционы) uzdı.
Ciñüçelärgä istälekle büläklär tapşırıldı.
Novosibirskida “Yaz nurı” tatar qızları bäygese oyıştırıldı
Bäyge “Min tatar qızı”, “Tatar xalqınıñ mädäni mirası”, “Qunaqlarnı sıylıym”, “Xalqımnıñ ğamäli icatı” isemle biş êtap räweşendä oyıştırıldı.
Jyuri (Жюри) qızlarnıñ ostalıqların bäyälägändä töp kriteriylär itep tuğan teldä söyläw, başqaru ostalığı, artistizm häm originallekne (оригинальлекне) maqsat itep quydı.
Tatarstan Milli kitapxanäsendä qış köne iñ küp uqılğan tatar kitapları bilgele bulğan
Tatarstan Milli kitapxanäsenä yörüçelär iñ kübe Rinat Möxämmädiyev (Мөхәммәдиев), Zifa Qadıyrova, Fäwziyä (Фәүзия) Bäyrämova, Ğayaz İsxaqi (Исхакый) kitapların öylärenä alıp uqığannar.
“Qış êçendä sez 71 meñ 247 kitapnı öygä alğansız. Sez yaratqan häm yış alğan kitaplardan top-10 isemlegen äzerlädek”, - dip yaza Milli kitapxanäneñ matbuğat üzäge häm qış aylarında öygä alıp iñ küp uqılğan kitaplar isemlegen täq’dim itä.
Top-10 tatar kitabı isemlege Rinat Möxämmädiyevnıñ (Мөхәммәдиевның) “Aq käğäz (кәгазь) nidän sarğaya” kitabı belän başlana. 2nçe häm 6nçı urınnarda Zifa Qadıyrovanıñ “Urlanğan yäşlek (яшьлек)” häm “Bäxetkä yul qaydan?” kitapları. 3nçe häm 5nçe urınnarda Ğaliyä Safiullinanıñ “Zahidä” häm “Sınalğan mäxäbbät” kitapları. 4nçe urında – Ämirxan Yenikinıñ (Еникиның) “Maturlıq” kitabı.
İsemlek Fäwziyä (Фәүзия) Bäyrämovanıñ “Hicrät”, Güzäl Ğallämovanıñ “Zängär qıñğırawlar”, Rifqät İmayevnıñ (Рифкать Имаевның) “Uyla könem” kitapları belän däwam (дәвам) itä häm Ğayaz İsxaqinıñ (Исхакыйның) “İke yöz yıldan soñ inqiraz”ı (инкыйраз”ы) belän tögällänä.
