Tatarstan xäbärläre 68/2023
Tatarstan häm tatar dönyasındağı qayber waqıyğalarğa qısqaça küzätü
TӨРКИЯДӘН ТAТAРЧA ТAПШЫРУ / TÖRKİYÄDÄN TATARÇA TAPŞIRU 19.12.2023 14:00 PODKAST
Tatarstanğa Törkiyädän yomırqa (йомырка) importı
Tatarstanda yaña yıldan soñ ber ay êçendä tawıq yomırqasına (тавык йомыркасына) bäyälär normalläşäçäk”, - dip xäbär itä “Tatar-inform” agentlığı:
“Bügenge köndä Tatarstanda bu produkśiya (продукция) tiräsendä şaw-şu (шау-шу) küzätelmi. Bu xaqta Tatarstan awıl xucalığı häm azıq-tölek ministrı Marat Cäbbarov Tatarstan Däwlät Şurası utırışında belderde.
“Problemanı xäl itü öçen federal’ däräcädä çaralar kürelde. Azärbaycan, Törkiyä häm İrannan yomırqa importı açıla”, - dide Awıl xucalığı häm azıq-tölek ministrlığı başlığı.
Cäbbarov bilgeläp ütkänçä, xäzerge waqıtta Tatarstan yomırqa citeşterüdä ike prośent (процент) üseş belän bara. “Qoş grippı buluğa, Leninogorsk qoşçılıq êşxanäsen likvidaśiyälärgä (ликвидацияләргә) turı kilügä qaramastan. Kürşe töbäklärdä, Başqortostanda häm Mariy Êlda (Элда) qoş êşxanäläre yabıla”, - dip assızıqladı ul.
Şul uq waqıtta ministr bu produkśiyäneñ (продукциянең) bıyıl üzqimmäte (үзкыйммәте) citdi artuın bilgeläp ütte. “Bu – taşlamalı kreditlarnıñ ike tapqır diyärlek artuı, import komponentı, zapas çastlär (частьләр), yağulıq-maylaw (майлау) materialları, törü-urnaştıru materialları belän bäyle – bolar barısı bergä yomırqağa bäyä artupa kiterde”, - dip näticä yasadı ul.
Däwlät statistikası federal’ xezmäte (Rosstat) mäğlümatlärenä (мәгълүматларына) qarağanda, 5-11 dekabr’ aralığında il buyınça tawıq yomırqası (тавык йомыркасы) 5 prośentqa (процентка) qimmätlängän (кыйммәтләнгән). Tatarstanda alar 8,75%qa qibatlanğan (кыйбатланган) (noyabr’dä respublikada alarnıñ qimmätlänü (кыйммәтләнү) tempları ike tapqır arttı). Şul uq waqıtta Tatarstan Awıl xucalığı häm azıq-tölek ministrlığı mäğlümatlärenä (мәгълүматларына) qarağanda cömhüriyättä yomırqa (йомырка) citeşterü normadan 13%qa yuğarı.
Qazan 2023 yılda säyäxätlär öçen populyar yünäleşlär isemlegenä kergän
Bu turıda “Tatar-inform” xäbär agentlığı belderä:
“2023 yıl yomğaqlarına (йомгакларына) qarağanda, Tatarstan başqalası Rusiyä buylap säyäxät itü öçen populyar yünäleşlär arasında Mäskäw, Sankt-Peterburg häm Soçidän soñ dürtençe urınğa iyä buldı. Bu xaqta rusiyälelärneñ qunaqxanä bronlaw (броньлау) turındağı mäğlümatlärne (мәгълүматларны) analizlağan “Tutu.ru” xezmäte xäbär itä.
Çit il yünäleşlärennän iñ küp soralğanı Belarus (Беларусь) häm Törkiyä bulıp çıqtı – alarğa ixtıyacnıñ yartısı turı kilä. Yaqın çit illärdän şulay uq Qazaqstan (Казакъстан), Ärmänstan, Üzbäkstan, Abxaziya häm Gruziya (Görcestan) şaqtıy populyar.
Qazan – qışqı çorda yäşäw öçen iñ qulay Rusiyä şähärläre isäbendä. Şulay uq ul il buyınça iñ populyar kruiz yünäleşläre isemlegendä dä bar. Tatarstan başqalası şulay uq Rusiyäneñ qışqı yallar öçen berençe biş turistik urını isemlegenä kergän.
2024nçe yılda Qazanda berençe tapqır ike zur multisport (мультиспорт) çarası – “Kiläçäk uyınnarı” häm BRİKS illäre sport uyınnarı bula
İke zur waqiğa (вакыйга) da respublika häm il tarixında êz qaldıraçaq. Bu xaqta Tatarstan Cömhüriyäte Räise Röstäm Miñnexanov 2023 yılğı sport sezonına yomğaq yasaw (йомгак ясау) häm fizkultura (физкультура) häm sport ölkäsendä däwlät idarä organı oyışunıñ 100 yıllığın bäyräm itügä bağışlanğan tantanada äytte.
“Işanam, alar respublika häm il tarixında zur êz qaldıraçaq, ä qatnaşuçılar häm başqala qunaqları onıtılmaslıq xislär alaçaq”, - dip assızıqladı respublika citäkçese. Bu turıda Tatarstan Räiseneñ matbuğat xezmäte xäbär itte.
“Kiläçäk uyınnarı” xalıqara multisport (мультиспорт) turnirı Qazanda 2024nçe yılnıñ 21nçe fevralennän 3nçe martına qädär (кадәр) uzaçaq. BRİKS sammitı cömhüriyät başqalasında oktyabrdä uzaçaq, anda 26 däwlät başlığı çaqırılğan.
“Tatarstan mädäniyäte” internet-radiosı êşli başladı
Tatarstan Cömhüriyäte Räise qarşındağı Mädäniyät häm sänğät (сәнгать) şurası utırışında Tatarstan Mädäniyät ministrlığınıñ internet-radiosı täqdim (тәкъдим) itelde.
Tatarstan mädäniyät ministrı İrada Äyupova beldergänçä, “Ätnä teatrında başlanğan proyekt böten Tatarstan cömhüriyäten qolaçlağan”.
“Tatarstan mädäniyäte” internet-radiosınıñ töp maqsatı – Tatarstan xalıqlarınıñ telen, ğoref-ğadäten, mädäniyäten saqlaw. Radioda Tatarstan Cömhüriyätendä yäşäwçe törle yäştäge (яшьтәге) häm törle millät wäkillärenä qızıqlı kontent tuplandı. Ul kontent yañarıp tora. Anı cir şarınıñ törle poçmağınnan täwlek (тәүлек) äylänäse tıñlarğa mömkin”, - dip tanıştırdı älege iniśiativa (инициатива) belän çıqqan Ätnä tatar däwlät drama teatrı direktorı Lenur Zäynullin.
Tatarça podkastlar (тавыш язмаларыбыз)
