Çamlıca mäçete
Bolarnı beläsezme? 59/2023
Bolarnı beläsezme? 59/2023
Dön’yadağı iñ zur mäçetlärneñ berse İstanbulda ikänen beläsezme?
Törkiyäneñ iñ zur mäçete bulğan 63 meñ keşe sıydırışlı Çamlıca mäçete – dön’yadağı 13 nçe zur mäçet. Mäçet İstanbulnıñ Üsküdar ilçäsendäge Çamlıca qalqulığında urnaşqan. Tözeleşe 2013 nçe yılda başlanğan häm 2019 nçı yılnıñ 3 nçe mayında açılğan mäçetneñ mäydanı – 57 meñ 500 kvadrat metr.
Çamlıca mäçeteneñ proyektın Hayriyä Gül Totu häm Bahar Mızrak êşli. Xatın - qız arxitektorlar ber’yulı 63 meñ keşe ğıybadät qıla alırlıq itep proyektlağan mäçettä xatın-qızlarnıñ uñaylı namaz uquına da mömkinlek birgännär. Proyektnıñ soñğı versiyäsen arxitektor Hacı Mäxmät Günär äzerli. Dizaynerlar cir teträw mönkinlegen dä isäpkä alıp, proyektnı tabiği afät bulğan oçraqta mäçettä 100 meñ keşe qalırlıq itep êşlilär.
Mäçetneñ 72 metr biyeklektäge töp gömbäze İstanbulda yäşäwçe 72 xalıqnı, 34 metr diametrındağı gömbäze İstanbulnı simvollaştıra. Çamlıca mäçete 5 metr kiñlegendä, 6,5 metr biyeklegendä häm 6 tonna awırlığındağı töp işege belän dön’yadağı iñ zur ğıybadätxanä işeklärennän bersenä iyä. Mäçet kompleksında şulay uq muzey, sänğat’ galereyası, kitapxanä, 1000 keşelek konferenśiyälär zalı, 8 sänğat’ ostaxanäse häm 3500 maşina quyu urını bar. Çamlıça mäçetenä açılğannan birle ğıybadät öçen genä tügel, turistik maqsatlarda da millionlağan cirle häm çit il keşese kilde.
