Dön’yanıñ iñ küp keşe kilgän altınçı ile

Dön’yanıñ iñ küp keşe kilgän illäre arasında Türkiyäneñ 6nçı urında buluın beläsezme?

Berläşkän Millätlär Oyışması Bötendönya turizm oyışması statistikasına kürä, Türkiyä 45 millionnan kübräk turist sanı belän dönyada iñ küp keşe kilgän illär arasında tora. 

Tarixi häm mädäni baylıqları belän iğ’tibarnı cälep itüçe Türkiyägä här yıl Qıtaydan Rusiyägä, Germaniyadan İrlandiyağa, Kön’yaq Koreyadan Yaponiyağa qadär 100dän kübräk ildän millionlagan keşe kilä. Öç zur imparatorlıqnıñ başqalası bulğan, ike qıytğada urnaşqan dönyadağı berdänber şähär bulğan İstanbul, zäpzäñgär diñgeze, altın qomlı plyajları belän, tabiğıy maturlıqları belän Antaliya häm Muğla, miğmarise-arxitekturası häm tarixı belän Ädirnä - dönyada iñ küp keşe kilgän berençe 100 şähär arasında tora.

Türkiyädä cäyge turizmnan qış sportlarına, tabiğat, mädäniyät, din, sport, sälamätlek saqlaw häm kongress turizmına qadär turizmnıñ här ölkäsendä êşçänlek başqarıla. Ber ük waqıtta iskitkeç tarix xäzinäse bulğan, borınğı çorlardan bügenge köngä qadär şaqtıy śivilizaśiya tuğan häm xökem sörgän Türkiyä üzendäge mädäniyät baylığı cähätennän dönyanıñ siräk illärennän berse. YUNESKO “Dön’ya mirası isemlege”ndä dä Türkiyädän 17se mädäni, ikese qatnaş buluı belän bergä 19 miras mäydanı kertelgän. Dön’ya mirası waqıtlı isemlegendä isä Türkiyäneñ 77 mädäni, 4 qatnaş häm 3 tabiğıy buluı belän bergä tuplam 84 mirası bar.