Ğaläm qorabı "Artemis"
Tormışnıñ qızıqlı yaqları 5/2022
Tormışnıñ qızıqlı yaqları 5/2022
NASA soñğı 10 yıl buyı östendä êşlägän ğaläm wazifası azağına yaqınlaştı. Artemis isemle qorabnı ğalämgä cibärergä planlıy ide, fäqat motordağı citeşsezlek arqasında iñ köçle raketa Artemisnı yaña Ay missiyase öçen ğalämgä oçırtunı kiçekterde.
NASA 50 yıldan soñ ayğa bu tapqır Artemis isemle ğaläm qorabı belän adım yasarğa äzerlänä. Yağulıq ağızuı arqasında 29 avgustta planlanğan könne çınğa aşırılmağan NASAnıñ ğaläm wazifası belän bäyle här neçkälek qızıqsınu uyata. Bolardan berse isä proyektnıñ iseme – Artemis.
53 yıl êlek ayğa berençe tapqır oçqan Apollo 11 qorabı tarixqa kergän ide. NASA soñğı Apollo wazifasın 1972dä çınğa aşırdı. Bu säfär xäzer Artemis belän däwam itä
Ğaläm qorablarına mondıy isemnär ni öçen birelä soñ?
Artemis kem ul?
Artemis grek mifologiyasendä Leto belän Zevsnıñ qızı häm Apollonnıñ igezäge bularaq belenä. Artemis - grek arxipelagı Mikonos yanındağı keçkenä utraw Delosta tuğan mifologik alihä.
Här cämğıyät’ bu alihägä üzgä isemnär quşqan. Artemis barlıq Urta diñgez basseynında (Mesopotamiya, Süriyä, Misır, Krit häm qalğan Urta diñgez utrawları, Greŝiya, İtaliya, Galliyada) meñnärçä yıl buldı.
NASA ğaläm proyektına ni öçen Artemis isemen quştı?
NASAnıñ bu proyektı belän ayğa berençe tapqır xatın-qız astronavt ayaq basaçaq. Programmanıñ iseme dä mifologiyadağı alihälär arasınnan saylandı. Artemis grek mifologiyasendä Apollonnıñ igezäk bertuğanı ul. Artemis qırğıy tormış, awçılıq, uqtan atu häm ay alihäse bularaq mofilogiyada urın ala.
Artemis ğıybadätxanäse
Grek mifologiyasendä möhim urını bulğan Artemiska bağışlanğan iñ matur ğıybadätxanä bügenge köndä İzmirneñ Selçuk rayonındağı Êfes borınğı qalasında urnaşqan ide. Märmärdän tözelgän qorılma b.ê. qadär 550 yıllarda tämamlana. Lidiya patşası Krez tözi başlağan ğıybadätxanä 120 yıllıq proyekt äsäre bulıp tora.
Dön’yanıñ 7 moğcizasınnan berse bulıp sanaluçı ğıybadätxanädän berniçä märmär kisäge genä qaldı.
