Ülediñgez

Türkiyeneñ Fätxiyä töbägendäge Ülediñgezneñ - dön’yadağı iñ matur plyajlarnıñ berse buluın belä idegezme?

Ülediñgez - Êgey diñgeze regionına kerüçe Fätxiyädäge kurort cirlek. Zängärneñ här tonın kürergä mömkin diñgeze, aqsıl qomı, tabiğat’ maturlıqları êçendä yäşerengän tarixi istälekläre belän Ülediñgez barı Türkiyeneñ tügel, dön’yanıñ da iñ yaratqan yal itü urınnarınnan berse. 2006nçı yılda küpsanlı tawışlar belän ul “dön’yadağı iñ matur plyaj” bularaq saylandı. Ber ük waqıtta anıBlue Lagoon bularaq ta belälär.

Ülediñgez cirlegeneñ tarixı bik borınğığa barıp totaşa. Lik’yalılarda ul “yaqtılıq häm qoyaş cire”, urta ğasırlarda “yıraq cirlär” dip atala.

Ülediñgez plyajı Zängär bayraq iyäse. Bu anda yözüneñ tulısınça xäwefsez häm sunıñ çista buluın kürsätä. Ülediñgezneñ iseme cisemenä turı kilä. Ul xäräkätsez, talğın külgä oxşağan. İñ dawıllı köndä dä tınıçlığın saqlıy.

Diñgez, bik tınıç buluına qaramastan, çista. Ul çişmälär, açıq diñgez ağımı häm su däräcäseneñ kütärelüe-kitüe täêsirendä daimi yañarıp tora. Anda berqayçan da kerlelek barlıqqa kilmi.  

Ülediñgezdä gizep qarayaçaq cirlär häm şöğıl’länäçäk çaralar küp. Ul paraplançılar öçen populyar oçış noqtası bulğan Babadağnıñ itäklärendä. Ülediñgez - iskitkeç manzarası häm uñay hawa şartları arqasında dön’yadağı iñ yaxşı paraplan alannarınıñ berse. Monnan tış, matur tabiğate, kemping urınnarı, trekking marşrutı, tämle rizıqları häm arxeologik mäydannarı belän yılnıñ här fasılında ul käyefle säyäxät noqtası.