Türkiyeneň iň zur açıq hawa bazarı

Türkiyeneň iň zur açıq hawa bazarınıň İzmirneň Tire ilçӓsendӓ buluın belӓsezme?

İzmirneň Tire ilçӓsendӓ 600 yıl buyı xezmӓt kürsӓtkӓn Türkiyeneň iň zur açıq hawa bazarı Türkiyedӓ genӓ tügel, böten dön’yada da tanılğan. Qayber çığanaqlarğa qarağanda, Tire bazarı zurlığı hӓm törlelege yağınnan Qırğızstannan soň dön’yada ikençe urında. Tire xalqı tirӓ -yün’dӓge awıllardan, şӓhӓrlӓrdӓn kilüçelӓrne, restoran hӓm qunaqxanӓ xucaların ğına tügel, dön’yanıň törle poçmaqlarınnan kilgӓn turistlarnı da bu bazarda qunaq itӓ.

Tire bazarı hӓr sişӓmbe irtӓn irtük cirle xakimiyӓtneň tawış köçӓytkeçlӓre aşa yaňğırağan “bazar doğası” belӓn açıla. Awıl keşelӓre mullıq, bӓrӓkӓt öçen  şöker itep ,tabış öçen doğa qılalar. Bazarda cirle üsemleklӓr, cilӓk - cimeş hӓm yӓşelçӓlӓr, sırlar, yoğırtlar , aqmay, zӓytün, zӓytün mayı , şulay uq azıq-tölek kenӓ tügel, kiyem-salım, kilen birnӓse ,bizӓnü ӓyberlӓre ,ayaq kiyeme ,törle sawıt-sabalar, yӓğ’ni nӓrsӓ êzlӓsӓgez şunı taba alasız.

İlçӓ (rayon) üzӓgendӓge uramnarğa taralğan ӓlege bazar Tiregӓ bik küp cirle hӓm çit il turistların da cӓlep itӓ. Tire bazarınıň Türkiyeneň iň borınğı hӓm iň zur bazarlarınıň berse buluınıň tarixi hӓm mӓdӓni sӓbӓplӓre dӓ bar. Uňdırışlı tufraqları hӓm iskitkeç tabiğate arqasında ul bezneň êrağa qadӓr 2000 nçe yıllardan başlap küp śivilizaśiyӓlӓr qabul itkӓn şӓhӓr. Türkiyeneň 5 şӓhӓrennӓn soň iň küp tarixi ӓsӓr Tire qasabasında urnaşqan.