Öç yaqlı cıyılışlar

Azӓrbaycan hӓm Törkiyӓ qalğan dӓwlӓtlӓr belӓn xezmӓttӓşlekne nığıtu öçen başlatqan öç yaqlı cıyılışlar çeltӓre kiñӓyӓ. 27 iyul’ könne Baqıda Azӓrbaycan, Qazaqstan hӓm Törkiyӓ Tışqı êşlӓr hӓm transport ministrlarınıñ Berençe öç yaqlı cıyılışı uzdı. Cıyılışta 3 yaqlı xezmӓttӓşlekne arttıru, Xӓzӓrdӓn uza torğan Könçığış-Könbatış urta koridorın üsterü kebek mӓs’ӓlӓlӓr quzğatıldı. Cıyılıştan soñ tışqı êşlӓr ministrları tarafınnan Baqı Deklaraśiyase imzalandı. Biredӓ şunı ӓytep uzarğa kirӓk, Azӓrbaycan, Qazaqstan hӓm Törkiyӓ arasında öç yaqlı cıyılışnıñ zarurlığı “Törkiyӓ awazı” radiosınıñ Awraziyağa qaraş” isemle tapşıruında berençe tapqır 2015 yılda telgӓ alınğan ide.

2 avgustta Taşkentta Azӓrbaycan, Üzbӓkstan hӓm Törkiyӓ tışqı êşlӓr, sӓwdӓ hӓm transport ministrlarınıñ berençe Öç yaqlı cıyılışı çınğa aştı. Cıyılışta 3 yaqlı xezmӓttӓşlek, transport ölkӓsendӓ xezmӓttӓşlekne arttıru, Törki Dӓwlӓtlӓr Oyışması Oçraşuına ӓzerleklӓr mӓs’ӓlӓlӓre qaraldı. Cıyılıştan soñ Tışqı êşlӓr ministrları tarafınnan Taşkent beldergesenӓ qul quyıldı.

Azӓrbaycan hӓm Törkiyӓneñ 3 yaqlı formattağı cıyılışlarında Qazaqstan hӓm Üzbӓkstannıñ qatnaşuında ӓlege il liderlarınıñ totışı möhim rol’ uynadı. Bıyıl Törkiyӓ hӓm Azӓrbaycan liderları Üzbӓkstanğa, Qazaqstan liderı Törkiyӓgӓ nӓticӓle sӓfӓr yasağan ide. Baqıdağı matbuğat oçraşuında çığış yasağan Qazaqstannıñ prem’yer-ministr yӓrdӓmçese hӓm tışqı êşlӓr ministrı Muhtar Tileuberdi Qazaqstan dӓwlӓt başlığı Qasıym-Cumart Toqayevnıñ avgust ayında Azӓrbaycanğa sӓfӓr oyıştıraçağın belderde.

Baqı hӓm Taşkentta uzğan öç yaqlı cıyılışlar xӓzerdӓn ük cimeşen birӓ başladı. Qarabaxta barlıqqa kilgӓn soñğı waqıyğalarda Qazaqstan hӓm Üzbӓkstan tışqı êşlӓr ministrlıkları şunduq Azӓrbaycannı xuplaw turında açıqlaw yasadılar. Bu da Törki dön’yanıñ xalıqara ölkӓdӓ urtaq êş başqaruı, tışqı sӓyӓsӓttӓ urtaq totış kürsӓtüe cӓhatennӓn bik möhim.

Azӓrbaycan hӓm Törkiyӓ öç yaqlı cıyılışlar seriyasen Gruziya, İran hӓm Törekmӓnstan belӓn uñışlı rӓweştӓ dӓwam itterӓ. Ӓlege cıyılışlar kirӓkle oçraqlarda 3 yaqlı oçraşularğa da ӓylӓnӓ. Ayıruça Azӓrbaycan hӓm Törkiyӓ 3 yaqlı formattağı cıyılışlarnı başqa illӓr belӓn dӓ uzdıra. Mӓsӓlӓn, Törkiyӓ-Rusiyӓ-Ukraina öç yaqlı tışqı êşlӓr ministrları cıyılışı, Törkiyӓneñ aradaşçılığı belӓn Antaliya Diplomatiya Forumı oyıştırıldı. Azӓrbaycan 2016 yılda Rusiyӓ hӓm İran belӓn bergӓ Tışqı êşlӓr ministrları Öç yaqlı cıyılışın başlatqan ide.

Baqı hӓm Taşkentta berençese çınğa aşqan 3 yaqlı cıyılışlarda küpçelek transport hӓm sӓwdӓ mӓs’ӓlӓlӓre quzğatıldı. Üzbӓkstan citӓkçelege xalıqara transport çeltӓren kiñӓytü öçen Üzbӓkstan-Qırğızstan-Qıtay hӓm Tirmizi-Mazari Şӓrif-Kabul-Peşavar timer yulı tözeleşlӓren xuplawın açıqladı. Ӓlege timer yulı tözeleşlӓren tizlӓtü öçen Taşkent citӓkçelegeneñ Üzbӓkstan-Qırğızstan-Qıtay hӓm Üzbӓkstan-Ӓfğanstan-Paqıstan öç yaqlı cıyılışların ütkӓrüe kirӓk.

Qazaqstan hӓm Üzbӓkstan liderları Çolpon Atada uzğan sonğı Üzӓk Aziya Liderlarınıñ rӓsmi bulmağan cıyılışına ber kön aldan kilde. Şulay itep 3 il liderı üz aralarında kiñӓşlӓşü forsatın taptı. Regional’ problemalarnıñ çişeleşe öçen mondıy öç yaqlı cıyılışlar zur ӓhӓmiyӓtkӓ iyӓ.