Samandağ plyajı nigä üzençälekle?

Dön’yadağı iñ ozın yar buylarınıñ berseneñ Törkiyädä buluın belä idegezme?

Törkiyäneñ kön’yağında Xatay rayonı çigendäge Samandağ plyajı 14 çaqrım ozınlığı belän dön’yadağı iñ ozın qomlıqlar arasına kerä. Ul Törkiyäneñ dä iñ ozın yar buyı.  

Samandağ xalıq öçen açıq plyaj. Anda diñgez, qayber fasıllarda bik dulqınlı buluına qaramastan, köz köne tınıçlana.

Plyaj yänäşäsendä urın alğan Titus tunnele dä kürelergä layıq urınnardan berse. Ul Rim imperatorlığı çorında bezneñ êranıñ 1nçe yözyıllığında tözelgän. Anıñ keşe qulı belän yasalğan täwge ozın tunnel’ buluı uylanıla. Tulısınça taw êçendä çoqılğan 1380 metr ozınlığında, 7 metr biyeklegendä häm 6 metr kiñlegendäge tunnel’ tawlardan ağuçı sunıñ portqa zıyan saluın kirtäläw maqsatınnan yasalğan.

Tunnel’neñ diñgez yağındağı oçına yaqın mäydanda bik küp qıya qaberlege urın alğan Bişekle mäğarä häm beraz kitkäç ähämiyätle port şähäre bulğan Selevkiya Piyeriya bar.

Samandağ plyajı yuqqa çığu qurqınıçı yanawçı Çeloniya midas häm karetta dingez taşbaqalarınıñ yomırqa salu häm ürçü mäydannarınıñ berse bularaq ta ähämiyätle.