Ordu - Törkiyäneñ iñ küp bal citeşterüçe şähäre

Törkiyäneñ iñ küp bal citeşterüçe şähäreneñ Ordu ikänen beläsezme?

Sälamätlekkä bik zur faydaları bulğan bal - tabiğat’neñ keşelärgä birgän iñ zur büläkläreneñ berse. Ğasırlar däwamında keşelek tarixı kebek borıñğı bulğan balnı qullanu ölkäse dä bik kiñ. Küp awırularğa şifa bulğan bal tabiği täm birüçe, şikärne almaştıruçı bularaq ta qullanıla.

Törkiyä – bal citeşterüdä iñ aldınğı illärneñ berse. Ul bal citeşterüdä Qıtaydan soñ dön’yada ikençe urında tora. Törkiyäneñ Qara diñgez töbägendä urnaşqan Ordu isä – bal citeşterü buyınça ildä berençe urında. Umartaçılıq - urman çikläwegennän soñ Ordudağı iñ möhim kerem çığanaqlarınıñ berse. Soñğı däwerdä yıllıq urtaça bal citeşterüe 18 meñ tonna bulğan Ordu Törkiyädäge bal citeşterüneñ 15%ın täşkil itä. Awrupağa bal êksportlawçı Ordunıñ umarta qortları sanı dön’yanıñ 84 ilennän, bal citeşterü küläme 95 ildän kübräk.