"Pänçä Kilit" operaŝiyase

Törek qorallı köçläre yaz aylarınıñ citüe belän Ğıyraqnıñ tön’yağında yaña operaŝiyalär başlattı. Pänçä Kilit dip ataluçı soñğı xäräkättä Törkiyä çik buyına yaqın bulğan Avaşin-Basyan häm Zap töbäklären maqsat itep ala. Hawa köçe belän PKKğa bäyle urınnarğa ut açıldı, şaqtıy xärbi berlek tä töbäkkä urnaştırıldı.

Törkiyä PKK terror oyışmasına qarşı köräşen täwäkkäl räweştä däwam itterä, ildä alıp barıluçı operaŝiyalär belän ber rättän çik ar’yağında da pro-aktiv räweştä oyışmanı maqsat itep ala. Ğıyraq häm Süriyädä PKKnıñ mäydandağı xaqimlegen beteräçäk xäräkätlär oyıştırıla. Bu bäyläneştä yaz aylarınıñ kilüe belän qışqı bazalarınnan çıqqan terrorçılarnıñ Ğıyraqnıñ tön’yağındağı aldınğı baza urınnarı Pänçä Kilit xäräkätendä berençe maqsat bulıp tora. F16 häm qorallı keşesez hawa apparatları yünälgän cirleklärgä hawa-desant operaŝiyase belän xärbi berleklär dä töşerelde. Ayıruça Avaşin-Basyan häm Zap töbägendä yaña mäydannar Törek qorallı köçläre kontrolenä küçte, töbäktäge mäğarä häm tunnel’lar da täêsirsez xälgä kiterelä. Xäzergä qadär 60 tiräse terrorçı täêsirsez xälgä kiterelde.

Pänçä Kilit xäräkäte belän oyışma basım astında qaldı, qışqı bazalarınnan çığıp, mobilizaŝiyalänüe häm Törkiyägä qarşı yaña terror höcümnärenä äzerlänüe tuqtatıldı. Törkiyäneñ Ğıyraq häm Süriyädäge täêsirle xärbi operaŝiyaläre zur ülçämdä näticä birep, oyışmanıñ Törkiyä êçendä êş başqara aluı da minimal’ däräcägä kiterelde.

Törek qorallı köçläreneñ kiläse atnalarda Ğıyraqta xäräkät urınnarın kiñäytep, oyışmanı maqsat itep alırğa däwam itäçägen äytä alabız. Törek qorallı köçläre xäzerge strategiyase belän oyışma ışanıçlı bularaq kürgän bazalarnı yuqqa çığarıp, yänä möhim logistik liniyalären özep, oyışmanı izolyaŝiyaläp, keçkenä urınnarda poçmaqqa qıstırunı häm anı bötenläy yuqqa çığarunı maqsat itä.

Säyäsi, iq’tisadi häm soŝial’ tikşerenülär waqıfı SETAnıň  tışqı sӓyӓsӓt tikşerenüçese Can Acun