Anzak qultığı

Berençe Bötendönya suğışınıñ iñ möhim frontlarınnan berse bulğan Çanakkalä Gälibolu yarımutrawındağı ber qultıqqa Anzak isemeneñ birelüen beläsezme?

Anzak qultığı – Törkiyädä, Çanakkaläneñ Gälibolu yarımutrawında keçkenä ber buxta, ämma awstraliyalılar öçen bik möhim. Çönki Çanakkalä suğışı waqıtında Anzak korpusı 1915nçe yılnıñ 25nçe aprel’ könne şuşı buxtadan xärbilären çığara häm şuşı urın Anzaklar öçen töp bazağa, nığıtmağa äylänä.

Bügenge köndä Awstraliyalılar häm Yaña Zelandiyalılar här yıl şuşı qultıqta iskä alu cıyınnarın oyıştıra. Här 25nçe aprel’dä bu töbäkkä kilgän meñnärçä anzak onığı biredä häläq bulğan ata-babaların iskä ala.  Anzak qultığınıñ iseme dä 1985nçe yılnıñ 25nçe aprel’ köndäge Anzak könendä räsmi bularaq qabul itelä.

İrtä belän tañ atqançı suğa kerep annan cirgä taba yörüçe yäş’ anzak onıqları ata-babalarınıñ nilär xis itüen añlarğa tırışa. Anzak buxtasındağı bu cıyın tögällängännän soñ Lone Pine häykälenä taba yörüçe anzak onıqları biredä dä şähit bulğan ata-babalarınıñ istälegenä dini cıyınnarın ütkärä. Lone Pine, yäğ’ni Yalğız narat iseme Awstraliyalı ğaskärilärneñ 1915nçe yılnıñ 25nçe aprel’ könge desant töşerü waqıtında kürep alğan berdänber narat ağaçınnan kilä.

Ğasırdan kübräk waqıt uzuına qaramastan yözlärçä awstraliyalı, yaña zelandiyalı häm töreklär biregä kilep, şähit bulğan ata-babaların bergä iskä aluı bik mäğ’näle. Suğış mäydanında tuğan zur duslıq xikäyäseneñ simvolı bu.