Törek belgeçe Xösäyen Yılmaz

Smartfonnar belän tormışıbızğa kergän tawış komandaları texnologiyasen törek belgeçeneñ uylap tabuın belä idegezme?

1926nçı yılda Denizli şähäreneñ ber awılında fäqıyr’ ğailädä tuğan Xösäyen Yılmaz keçkenä yäş’tä ük äti-änisez qala häm 12 yäşenä qadär mäktäpkä bara almıy. Kötüçe ikänen kürgän uqıtuçılar aña mäktäpkä barıp, belem alırğa bulışa. Liŝeydağı uñışı häm ziräk buluı arqasında İstanbuldağı Texnik Universitetınıñ Êlektr bülegenä çaqırıla häm yuğarı belemne biredä ala.  Anıñ uñışı häm tikşerenülären xuplağan uqıtuçıları aradaşçılığı belän AQŞta dön’yanıñ iñ yaxşı universitetlarınnan bersenä çaqırıla ul. Anda professor däräcäsenä qadär kütärelgän Xösäyen Yılmaz êşçänleklären yaqınnan küzätep barğan Al’bert Êynşteynnıñ funkŝiya teoriyasendä citeşsezleklär tabıp, tanılğan belgeçkä xat yaza. Läkin xat Êynşteynğa barıp citkänçe Êynşteyn ülä. Yılmaz bu xatanı tanılğan fänni jurnalda bastıra häm Êynşteynnıñ teoriyasenä qarşı “Yılmaz tartu köçe teoriyase" da literaturağa kerep qala.

Professor Yılmaz citäkçe bularaq êşlägän texnologiya şirkätendä tawış yärdämendä êşläwçe komp’yuter yasap, tarixqa kerä. Bu êşçänlek bügenge köndä smartfonnarda tawışlı komanda sistemasınıñ babası bulıp tora.

2013nçe yılda wafat bulğan professor, doktor Xösäyen Yılmaz akademik tormışında şaqtıy uñışqa ireşte, fizika fänenä şaqtıy möhim öleş kertte.