Törkiyäneñ berençe balerinası Märiç Sümӓn
Bolarnı beläsezme? - 27/2022
Törkiyäneñ berençe balerinası Märiç Sümӓnneñ şulay uq tanılğan Bol’şoy balet tarixında töp rol’ne başqaruçı täwge çit il prima - balerinası buluın belä idegezme?
Madam Ninett de Valua nigez salğan törek baletınıñ iskitkeç yoldızı ,1943 nçe yılda tuğan Märiç Sümän – Törkiyäneñ berençe balerinası häm mӓşhür biyüçe-xoreograflarınıñ berse.
Sümän 1961 nçe yılda Änkara däwlät konservatoriyäseneñ balet bülegen tämamlağannan soñ Änkara däwlät opera häm balet teatrında êşli başlıy. Ul – prima-balerina titulına layıq bulğan täwge sänğät’çe. Mӓriç Sümӓn küp illärdä qunaq biyüçe bulıp çığış yasıy. Törle illärdä balet däresläre birä. Xalıqara balet bäygelärendä saylaw komissiyäse äğ’zası bularaq Törkiyäne täq’dim itä. Milli hӓm xalıqara arenada küp tapqırlar berençe urınğa hӓm maqtawlı isemnärgä layıq bulğan Märiç Sümӓn Mäskäwdäge Bol’şoy teatrı tarixında berençe qunaq biyüçe bula. Bol’şoy biyü akademiyӓsendӓ belem alıp “Balet uqıtuçısı” diplomın ala hӓm Miğ’mar Sinan universitetı İstanbul dӓwlӓt konservatoriyӓsendӓ uqıta.
Balet sӓnğӓtendӓ Törkiyӓneñ berençe hӓm berdӓnber Dӓwlӓt sӓnğӓt’çese isemenӓ iyӓ bulğan Mӓriç Sümӓn şulay uq Dӓwlӓt opera hӓm balet teatrı ğomum mödire wazıyfasın da başqara.