Zäytün yafrağınıñ faydaları

Bügen zäytün yafrağı faydalarına tuqtalırbız.

Zäytün yalqınsınunı beterä, qandağı şikär häm yuğarı qan basımnı töşerä, ateroskleroznı beterä, qandağı lipid däräcäsen töşerä, söyäk yuğaltunı totqarlıy, germiŝid, antioksidant häm yaman şeşkä qarşı täêsire bar.

Zäytün yafraqları da organizmğa bik faydalı. Yafraqlar böyerlärdän su alunı arttıra, antioksidant bulıp tora. Zäytün yafrağı çäye insulinğa qarşı torunı däwalawda häm awırlıqnı kontrol’da totuda qullanıla. Diabet xastalığında da zäytün yafrağı çäye kiñäş itelä.

Zäytün yafrağı çäyeneñ faydaları:

Küzänäklärne qısqa waqıtta yañarta. Omega mayı kislotalarına bay zäytün yafrağı betçälärne çistarta häm şul uq waqıtta alardan qalğan êzlärne dä beterä. Yara, qızaru, qıçıtuda da bulışa.

İğtibar citmäw, bozılğan yoqığa qarşı yärdäm itä, üzäk nerv sistemasın köçäytä.

Yöräk sälamätlegen saqlıy.

Zäytün yafrağı çäye aterosklerozdan bulışa. Qan basımın cayğa sala. Qan ağımın tärtipkä kertkäne öçen yöräk öyänäge riskın azayta.

Awırtunı basa häm muskullarnı tınıçlandıra. Muskul häm baş awırtularında bu çäyne êçärgä bula.

İnfekŝiyalärne beterä. Öske sulış yulları häm sidek yullarındağı awırularda qullanıla.

E vitaminı häm antioksidant maddälärgä bay bulğan zäytün yafrağı çäye immunitetnı nığıta.

Zäytün yafrağı çäyen niçä kön êçärgä kiräk?

Bu çäyne könenä 2-3 tapqır êçärgä yarıy. Täêsirlären kürü öçen kim digändä 2 ay êçärgä kiräk.

Läkin zäytün yafrağı çäyen 18 yäş’tän keçkenälärgä êçärgä quşmıylar. Şulay uq allergiyase bulğannarğa, böyer häm yöräk awırtularında bu çäy tıyıla.

Zäytün yafrağı çäye awırlı häm imezüçe äni keşelär öçen dä risklı bula ala. Qan basımı yuğarı bulğannar tabibları belän kiñäşläşergä tiyeş.

Operaŝiya kiçerüçelär häm xronik bularaq daru qullanuçılarğa da bu çäydän taypılu zarur.

Çäyne êçkän waqıtta qıçınu yäisä küñel bolğanu küzätelsä, çäy êçüne tuqtatırğa kiräk.

Saqlaw şartları 

Zäytün yafraqların qarañğı häm qorı urında totarğa kiräk. Plastmass bulmağan konteynerlarda häm cılı bulmağan urında saqlaw zarur.

Zäytün yafrağı çäyen niçek peşerergä kiräk?

Monıñ öçen 1 çäy qaşığı kipterelgän zäytün yafrağı häm 200 ml qaynar su alabız.

Berençe reŝeptka kürä ber çäşke yäisä stakan qaynar suğa 6-10 gram yafraq salabız. 10 minut qaplap totqannan soñ sözep êçäbez.

İkençe reŝeptta 6-10 gram kipkän yafraqqa 150 ml qaynar su salabız häm 15-20 minut qaplap totqannan soñ sözäbez.

Äzerlängän çäyne könenä 3 tapqır êçäbez. Könlek doza 30 gramnan artıq bulmasqa tiyeş.

Öçençe reŝeptta 10 gram kipterelmägän yäisä 5 gram kipterelgän yafraqnı 150 ml suda qaynatabız. Su miqdarı 100 ml qalırğa tiyeş. Sözäbez häm bu çäyne könenä 2 tapqır êçäbez.

Avtor - tabib Mähmät Uçar