İstanbulda NASA kürgäzmäse

Amerikan Ğaläm häm Aviaŝiya departamentı NASAnıñ gizüçe ğaläm kürgäzmäse İstanbulda açıldı.

NASAnıñ 12 ildä 4 million keşe gizgän kürgäzmäsendä ğaläm raketaları, ğaläm qorab model’läre, astronavt kiyemnäre h.b. bar.

Biregä kilüçelär çın Ay taşın totıp qarıy häm ğalämdä yöri ala.

Kürgäzmädä NASAnıñ ğalämdä wazıyfa başqarğan 200dän artıq kollekŝion äybere urın ala.

Biregä kilüçelärne çın ülçämdäge häm tarixi ähämiyätkä iyä kollekŝion äyberlär, interaktiv texnologiyalär belän bayıtılğan virtual’ çınbarlıq urınnarı kötä.

Kürgäzmä ğaläm belän qızıqsınuçılarnıñ ğına tügel, ä härkemneñ iğtibarın cälep itä häm ğaläm serlären yaqtırta.

Kürgäzmädä iğtibar nı iñ küp Ay taşı, ğaläm raketalarınıñ küçermäläre, ğaläm qorabı modelläre, Saturn V raketasınıñ 10 metrlık modele, ğalämgä oçqan astronavtlar kigän kiyemnär, astronavt menyuları häm wazıyfalardan qullanılğan kiräk-yaraqlar belän Apollon kapsulası, Sputnik V iyärçene häm Xalıqara ğaläm stanŝiyase modelläre cälep itä.

Şirkätneñ räsmi zatı, Başqarma şurası äğzase Merve Timurlenk Şengül tübändägeçä citkerde: “Bu dulqınlandıruçı kürgäzmäne biredä oyıştıruğa şatlanabız. 4 yılda 12 ildä 4 millionnan artıq keşe gizgän NASAnıñ Ğaläm kürgäzmäsendä ğalämnän kilgän maxsus kisäklär häm andağı tormışnı çağıldıruçı distälärçä yuğarı däräcäle texnologiyağa iyä ğaläm çarası bar,” – dide.

Kürgäzmädä İlon Masknıñ şirkäte Space X yasağan oçırtu cihazı Starshipnıñ prototip modele dä urın ala. Space X sentäbr’ ayında Dragon kapsulası belän berençe tapqır ğalämgä watandaşlarnı cibärgän ide.

NASA kürgäzmäsendä virtual’ çınbarlıq häm simulyaŝiya texnologiyaläre yärdämendä kilüçelär interaktiv räweştä ğaläm säfärenä çığa.

Biredäge atel’ye êşçänlekläre här yäş’tägelärneñ iğtibarın cälep itä häm härkem küñelle waqıt uzdıra.