Baş awırtuı öçen tabiğıy däwalaw çaraları

Sälamätlek probleması bularaq yış oçratılğan baş awırtuı keşelärneñ köndälek tormışlarına täêsir itä. Törenä qarap üzgäleklär kürsätkän baş awırtuı berniçä säğät yäki berniçä kön bulırğa mömkin.

Tabiğıy däwalaw kiñäşlärebez isä tübändägeçä:

Lavandanıñ êfir mayı:

Turıdan-turı isnäw, diffuzergä 2 tamçı salıp bülmäne cillätü, salfetkağa ike tamçı tamızıp isnäw räweşendä bula.

Mediśina bötnegeneñ êfir mayı

Mediśina bötnegeneñ êfir mayının ciñeläytüçe yoğıntısı arqasında yuğarı qan basımı häm kiyerenkelek belän bäyläneşle baş awırtularında räxätlätüçe tabiğıy däwalaw ısulı bularaq qullanıla.

Bazil êfir mayı:

Bazilneñ êfir mayı muskul yomşartuçı bularaq täêsirle. Baş awırtularına häm köçsez muskullarğa da êffektiv.

Citen orlığı:

Citen orlığı da omega 3 yağınnan bay buluı belän baş awırtularına ciñeläytüçe yoğıntısı bula.

Törek kähwäse häm çäy:

Kähwä häm çäyne dä baş awırtunı ciñeläytü öçen qullanırğa bula. Kähwä êçendäge kafein baş awırtuın azayta ala. Ber çınayaq törek kähwäse yäki çäy êçü awırtunı beterüçe yoğıntısı arqasında başlangıç ‘etapta bik êffektiv bulırğa mömkin. Läkin şulay da artıq küp qullanırğa kiräkmi.

Barmak belän akupunktura urınına basım yasaw:

• Qulda baş barmak belän imän barmağı arasında qalğan noqtağa başqa qul belän basıp totsağız, bu baş awırtuınıñ uzuına yärdäm itärgä mömkin.
• Qaşlar arasındağı noqtada urnaşqan akupunktura basım noqtasına basıp alu stress häm arığanlıq säbäp bulğan baş awırtuların ciñeläytä.
• Borın häm küz çoqırı arasındağı noqta borın bileneñ häm küz çorınıñ östendä, qaşlarığıznıñ astında urnaşqan. Stress yäisä salqın tiyügä bäyle baş awırtularınnan qotılu öçen imän barmaqların qullanıp şuşı urında basıp torırğa bula.

Qaynar duş:

Ägär baş awırtuı gripp yäki sinusit belän bäyle bulsa, bu cılı hawa borın yulların açu täêsiren dä kürsätä.

Mañğay häm çigä urınına boz quyu:

Mañğay häm çigä urınına yüeş sölge quyu yäki boz paketı belän salqın kompress yasaw ciñellek kiterergä mömkin. Mañğayğa häm çigägä salqın kompress yasağan çaqta baş awırtuınnan tizräk qotılu öçen cilkä arkasına qaynar kompress yasarğa kiräk. Täêsirle buluı öçen bu ğamälne qabatlarğa bula.

Susız qalmasqa kiräk:

Baş awırtu säbäplärennän berse - susaw. Şuña kürä baş awırta başlaw belän su äçärgä däwam itärgä kiräk. Baş awırtuı bulğan çaqta bik salqın su êçmäskä kiräk.

Başnıñ arqasına, muyınğa häm cilkägä massaj:

Baş awırtuın ciñeläytü öçen qullanırğa bula.

Sulış künegüläre:

Qayçağında barı tik döres itep sulış alıp birü genä dä xätta däwalanu urınına uzarğa mömkin. Tirän sulış alıp birü belän räxätlätep, tändäge kiyerenkelekne azaytıp, baş awırtuın da minutlar êçendä ciñeläytergä bula.

Qaranğı häm tawışsız urında yal itü:

Salqınça, qarañğı häm tawışsız, tınıç urında kim digändä 30 minut yal itep, sulışığızğa yünälü sezne räxätläter häm baş awırtuın ciñeläyter.

Alma sirkäse, uksusı:

1 stakan qaynar suğa 1 desert qaşığı alma uksusın salırğa. Yaxşılap bolğatırğa. Äkren genä alma uksusı suın êçärgä.

Limon suı:

Ber stakan qaynar suğa yartı limonnı sığıp bolğatırğa. Annan soñ êçärgä.

Qanafer (gvozdika):

Bik quyı bulmağan çäyneñ êçenä 9-10 danä qanafer-gvozdika salırğa häm şikärsez êçärgä.

Rozmarin çäye:

Migren öçen ber stakan su qaynatıla, êçenä ber desert qaşığı rozmarin quşıla. 9-10 minut az êsselektä peşerelä. Qaynatqannan soñ sözep aştan soñ êçelä. Bu ber köndä 2 tapqır häm 21 kön buyı başqarıla.

Yäşel çäy:

Yäşil çäy baş awırtqanda êçärgä kiñäş itelä.

Yükä:

Yükä çäye dä baş awırtuı öçen yış kiñäş itelä. Romaşka çäye:

Romaşka çäyeneñ tınıçlandıruçı yoğıntısı baş awırtuın ciñeläyter.

Avtor: tabib Mäxmät Uçar