Karikatura – yumor muzeyı häm kitapxanäse

İstanbulda karikatura – yumor muzeyı häm kitapxanäse buluın beläsezme?

       Muzey berençe tapqır 1975 nçe yılda Karikaturistlar cämğıyäte iniśitivası belän İstanbul şähär xakimiyäte tarafınnan açılğan, läkin 1980 nçe yılda yabılğan. 1989 nçı yılda açılğan yaňa karikatura häm yumor muzeyı Törkiyäneň ictimaği tarixın dokumentlaştırğan mädäniyät berekmäsen törle çaralar belän çağıldıra. Monnan tış,  başqa illärdäge oxşaş oyışmalar belän aralaşqan muzey dönya karikatura sänğäteneň tanılğan şäxeslären kürgäzmälär belän tanıştıra. Muzeyda şulay uq belgeç küzätüe astında original’ poligrafiya atel’yesında êşläw mömkinlege dä bar.

Muzeyda törek karikaturasınıň başınnan alıp bügengä qadär bulğan êtaplar misallar häm dokumentlar belän aňlatılğan bülek bar. Törek häm dönya rässamnarı äsärläre quyılğan bülektä ay sayın kim digändä ber kürgäzmä açıla. Kitapxanä bülegendä Törkiyädä häm böten dönyada basılğan  karikatura, yumor  häm alar  xaqındağı basmalar bar. Kitapxanäneň arxiv öleşendä iske yäki bügenge törek häm xalıqara karikaturistlarnıň äsärläre urın ala.