Бу көннe нәрсәләр булгaн? / Bu könne närsälär bulğan?

Bügen 2020 nçe yılnıñ 16 nçı dekabre. Bu kön tarixqa nindi waqıyğalar belän kerep qalğan soñ?

1773 nçe yılnıñ älege könendä AQŞtağı ingliz koloniyalarında London citäkçelegenä qarşı fetnä başlana. “Boston çäy waqıyğası”nda çäy salımına rizasızlıq belderüçelär Boston portındağı 3 ingliz köymäsenä kerep çäy sandıqların diñgezgä taşlıy.

1920 nçe yılnıñ 16 nçı dekabrendä Qıtaynıñ tön’yaq-könbatışındağı Gan’su vilayätendä 8,6 ball zurlığındağı cirteträw häm annan soñ küzätelgän cir şuışularda yaqınça 200 meñ keşe yaqtı dönyadan kitä.

1991 nçe yılnıñ ӓlege könendӓ Qazaqstan Sovetlar Berlegennän çığıp bäysezlegen iğ’lan itӓ.

1998 nçe yılnıň 16 nçı dekabrendӓ AQŞ hӓm Angliya BMO qoral inspektorlarına röxsät birmӓw sıltawı belӓn Ğıyraqqa qarşı “Çül tölkese” xӓrӓkӓten başlap cibӓrӓ. 4 kön dӓwam itkӓn xӓrӓkӓttӓ Ğıyraqnıň xӓrbi maqsatlarına 500 qanatlı  raketa hӓm 250 oçqıç belӓn höcüm başqarıla.