Şifaxanä muzeyı

Ädirnädä urnaşqan şifaxanä muzeyınıň Soltan Bayezid II neň ämere belän 1488 yılda açılğan häm ul waqıttağı iň yaxşı sälamätlek saqlaw üzäge buluın belä idegezme?

Soltan Bayezid II 1484tä Ädirnädä xastalıqlarına şifa êzläwçelär öçen şifaxanä açıluın teli. Padişahnıň boyırığı belän waqıt yuğaltmıyça êşkä kereşkän miğmar Xäyrettin bu qorılmanıň arxitektorı bularaq tarixqa kerä.

Tözelgän çorda Ğosmanlı däwläteneň iň yaxşı xastaxanälärennän berse bulğan şifaxanä 1488 yıldan 1877gä qadär awırular yul totqan in möhim sälamätlek saqlaw üzäklärennän berse bula. Qorılış dokumentındağı mäğlümatlarğa kürä xastaxanädä küz tabibı da bulğan. Aldağı yıllarda şifaxanä psixik awıruları bulğannarğa da xezmät kürsätä başlıy häm xastalar darular belän ber rättän su tawışı, muzıka, xuş islär kebek üzgä ısullar belän dä däwalanğan. 1850 yıllardan başlap üzäk qarawsız qala. 1896 häm 1910 yıllarda ike tapqır tözekländerelä häm 1916 yılğa qadär ruxıy xastalıqları bulğannarğa xezmät kürsätä.

1993tä Şifaxanäne Trakya Universitetı ximayasında Sälamätlek saqlaw muzeyına äyländerä başlıylar. 2000 yılda tämamlanğan muzey 2004tä “Awrupanıň iň yaxşı muzeyı” bülägen ala.