Êndemik üsemlek baylığı

Törkiyäneñ êndemik üsemlek törläre cähatennän dön’yanıñ iñ bay töbäklärennäñ berse buluın belä idegezme?

Törkiyädä 11 meñ tiräse üsemlek töre bar. Bu törlärneñ yaqınça 3 meñe isä êndemik. Bu üzençälege belän Törkiyä barlıq Awrupanı da uzdıra.

Törkiyäneñ bu baylığı tawlı häm çoqır-çaqırlı töbäkläre belän qıytğalarnı ber-bersenä bäyläwçe geografiyada urın aluı häm törle klimatlarğa iyä buluına bäyle.

Bügenge köndä Törkiyä şaqtıy êndemik üsemlek tören mediŝina häm aromat maqsatlı êksportlıy. Ğasırlar êlek tä Anadolunıñ uñdırışlı tufraqlarında üskän şaqtıy üsemlek bar dön’yağa cäyelgän. Alar arasında töçe çiyä, mindal’, abrikos, boday, noxıt, yasmıq, injir bar. Anadoludan dön’yağa cäyelgän çäçäklär arasında isä lalä, umırzaya häm krokus ta bar.