Bu könne närsälär bulğan?

1948nçe yılnıñ 14nçe mayında Bäysez İzrailneñ tözelüe iğ’lan itelä. 5 ğaräp däwläte dä İzrailğa suğış açtı. Berençe Ğaräp-İzrail suğışı näticäsendä İzrail belän ber rättän Yordaniya häm Misır da cirlären kiñäytte, töbäkneñ asıl iyäse bulğan fälästinlelär isä qaçaqqa äylänä.

1950 yılda bu könne Törkiyädä berençe tapqır küp partiyale saylawlar uza.

1955 yılda NATO İttifaqına qarşı SSSR belän Könçığış Awrupadağı 7 soŝialist ilne cıyğan Varşava Paktı Pol’şa başqalasında imzalanğan kileşü belän qorıla. Varşava Paktı 1991dä tarqala.

1987nçe yılnıñ 14nçe mayında çornıñ legendar aktrisası Rita Xeyvord N’yu-Yorkta wafat buldı.

1998 yılda älege könne tanılğan cırçı häm aktyer Frank Sinatra 83 yäşendä küzlären mäñgelekkä yoma.

 2018 yılnıñ 14 mayında Amerika Quşma Ştatları İzraildağı ilçelegen Tel’-Avivdan Qudüs-Yerusalimğa küçerä. İzrail iminlek köçläre AQŞnıñ bu qararın protest itkän fälästinlelärgä ut aça. 60tan artıq fälästinle ülgän waqıyğalarda yaqınça 3000 fälästinle yaralana.