Bu könne närsälär bulğan?
Tarixta bügen - 01.04.2020
1nçe aprel’ 1564
Täwge “1nçe aprel’ şayartuı” Franśiyada ütkärelä başlana. Üzgärtelgän kalendar’gä kürä, yaña yıl inde 1nçe aprel’dä tügel, 1nçe ğinwar’dä başlıy. Aprel’neñ berençe könen yaña yıl itep qotlarğa iyäläşkän xalıq häm yaña kalendar’ ğamälen oşatmawçılar şayartıp yöri başlıy.
1nçe aprel’ 1921
“2nçe İnönü suğışı” Törkiyä Böyek Millät Mäclese xökümätenä bäyle Törek ğaskäreneñ ciñüe belän tögällänä. Grek armiyasınıñ höcümnärenä İnönü nığıtmalarında 10 kön buyı qarşılıq kürsätkän törek ğaskäre qarşı höcümnär belän grek köçlären kire çigenergä mäcbür itä.
1nçe aprel’ 1955
Kiprda grek terrorçısı Grivas EOKA terror oyışmasın tözi. EOKA utrawdağı ingliz citäkçelegenä häm töreklärgä qarşı höcümnärenä totına. Şuşı uq çorda Kipr törekläre oyıştırğan “Törek Mukavämät” oyışması da êşçänlegenä başlıy.
1nçe aprel’ 1979
İranda Şah rejimın bärep töşergän Ayätullah Humäyni ilneñ monnan arı “İslam Cömhüriyäte” buluın iğ’lan itä.