Bu könne närsälär bulğan?

1521nçe yılnıñ 3nçe ğınvarında urta ğasırlar Awrupasında çirkäwneñ avtoritetın soraw astına quyıp “Reforma xäräkäte”nä nigez salğan Martin Lyüter katolik dön’yasınıñ ruxani liderı Papa Leo 10nçı tarafınnan aforoz iğ’lan itelä, yağ’ni quıla. Anı Rimğa kilep üz-üzen aqlarğa çaqıralar, ämma din ähele baş tarta häm İncilne nemeś telenä tärcemä itep çitkäwgä qarşı suğış başlıy.

1961nçe yılnıñ 3nçe ğıynvarında Fidel’ Kastro liderlığında kommunist köçlär başqala Gavananı qulğa töşergännän soñ AQŞ Kuba belän mönäsäbätlären özä. Näq’ 1 yıldan soñ şul uq könne Papa İogann 23nçe Fidel’ Kastronı çirkäwdän ayıruın belderä.

1990nçı yılda bu könne AQŞ armiyäse yärdämendä bärep töşerelgän Panama däwlät başlığı Manuêl’ Nor’yega 10 kön buyı sıyınğan urını - Vatikandağı Panama siti ilçelegennän çığa häm amerikalı xärbilärgä birelä. Ul Franśiyädä törmädä utıra häm soñınnan üz ile Panamağa tapşırıla. Nor’yega 2017nçe yılda wafat buldı.

2004nçe yılnıñ 3nçe ğınvarında Misırda şäxsi aviaşirkätneñ yulçı oçqıçı Şarm äl Şäyxtän Parijğa oçqanda Qızıl diñgezgä kilep töşte. Borttağı 148 keşe hälaq buldı.