Bu könne närsälär bulğan?

1951nçe yılnıñ 2nçe ğıynvarında Törkiyä BMOnıñ iminlek şurasında waqıtlıça äğ’za buldı. Ul älege wazıyfanı 1954nçe, 1961nçe, 2009nçı-2010nçı yıllarda başqardı.

1975nçe yılda bu könne TRT tübäse astındağı Törkiyä radioları, TRT1, TRT2 häm TRT3 iseme astında 3 ayırım kanaldan tapşıruların başlıy.

1971nçe yılnıñ 2nçe ğıynvarında futbol tarixına İbroks faciğase bularaq kerep qalğan waqıyğa Şotlandiyäneñ ike klubı Glazgo Reyndjers häm Kel’tik arasındağı matçta bula. Uyınnıñ sonğı minutlarında tarafdarlar arasında kilep çıqqan panika häm êteş-törteş arqasında 66 keşeneñ ğomere özelä, 200dän artığı yaralana.

2016nçı yılda bu könne İran häm Soğud Ğaräbstanı “Ülem cäzası” krizisı belän tağın mañğayğa - mañğay kilä. Soğud Ğaräbstanı watandaşı 57 yäş’lek şiğıy ruxani Ayätullax Nimr Äl Bakır Nimrnıñ Riyad idaräse tarafınnan terrorçılıqta ğayeplänep ülem cäzasına tartıluınnan soñ İrannıñ bik küp şähärendä rizasızlıq çaraları ütte. Tährandağı Soğud Ğaräbstanı ilçelegenä ut törtelde.