Bu könne närsälär bulğan?

Bügen 2019 nçı yılnıñ 18 nçe dekabre. Bu kön tarixqa nindi waqıyğalar belän kerep qalğan soñ?

Amerika Quşma Ştatlarında watandaşlar suğışı tögällängännän soñ 1865 nçe yılnıñ 18 nçe dekabrendä qollıq räsmi räweştä beterelä. Qollıqqa röxsät birgän barlıq tärtipkä salular federal’ qanunnardan çığarıla.

1954 nçe yılnıñ älege könendä Kiprda Greśiya belän berläşü (ENOZİS) tarafdarlarınıñ Törkiyä häm Angliyägä qarşı protest çarasına ingliz ğaskärläre qorallı kereşü başqara. Waqıyğada 2 keşe yaralana, 42 protestçı saq astına alına.

1969 nçı yılnıñ 18 nçe dekabrendä AQŞnıñ 6 nçı flotı Törkiyägä kilä. İzmir portına kilgän flotqa qarşı protest çaraları oyıştırıla , protestçılar qorı cirgä çıqqan Amerika ğaskärlären tartqalap êtkäli.  

Könbatışlı oyışmalarnıñ Törkiyägä qarşı küzläw êşçänlekläre xaqındağı tikşerenüläre belän tanılğan dośent doktor Näcip Hablemitoğlu 2002 nçe yılnıñ 18 nçe dekabrendä öye yanında üterelde. Üterüçelärneñ kem buluı äle haman da açıqlanmadı.

2017 nçe yılnıñ älege könendä Amerika Quşma Ştatları ilbaşı Donal’d Tramp ileneñ yaña iminlek strategiyäsen açıqladı. AQŞ Qıtay häm Rusiyäne köndäş, İran häm Tön’yaq Koreyanı isä doşman dip bäyäläde.