Bu könne närsälär bulğan?

1941nçe yılnıñ 7nçe dekabrendä Yaponiyä AQŞqa höcüm itä. P’yerl-Xarbordağı flotqa oyıştırılğan basqında 19 xärbi korab batırıla, 200 xärbi oçqıç yuqqa çığarıla, 2400 keşeneñ ğomere özelä. Şunnan soñ AQŞ İkençe Bötendön’ya suğışına quşıla.

1956nçı yılda bu könne törek ädäbiyäteneñ ähämiyätle romannarınnan berse “Çalıkuşu”nıñ yazuçısı Räşat Nuri Güntäkin 67 yäşendä wafat bula.

1973nçe yılnıñ 7nçe dekabrendä İslam üseş bankı tözelä. Anıñ üzäge Ciddädä. Bank artqa qalğan islam däwlätlärenä finans yärdäme täêmin itüne maqsat itep quya.

1983nçe yılda bu könne Madrid aêroportında 2 yulçı oçqıçı oçıp kitü yulında bäreleşä, 93 keşe ülä.

1988nçe yılnıñ 7nçe dekabrendä Ärmänstanda 7,1 zurlığında cir teträw bula. 25 meñnän artıq keşe ülä, 150 meñe yaralana.  

2017nçe yılda bu könne “Ayla” fil’mınıñ prototibı bulğan Koreya suğışı veteranı Sölayman Dilbirligi İstanbulda baqıylıqqa küçte.

2017nçe yılnıñ 7nçe dekabrendä, 65 yıl tänäfestän soñ, Törkiyädän Greśiyägä ilbaşı däräcäsendä berençe räsmi säfärne Räcäp Tayyip Ärdoğan yasadı.