Bu könne nilär bulğan?

Bügen 2019 nçı yılnıñ 24 nçe noyabre. Bu kön tarixqa nindi waqıyğalar belän kerep qalğan soñ?

1859 nçı yılnıñ 24 nçe noyabrendä ingliz ğalime Darvinnıñ belem dönyası belän dini oyışmalar arasında bäxäslärgä säbäp bulğan “Törlärneñ kilep çığışı” isemle äsäre dönya kürä. Darvin üz kitabında berençe tapqır êvolyuśiya teoriyäse turında yaza.

1928 nçe yılnıñ älege könendä Törkiyädä Millät mäktäpläre qorılu qanunı dönya kürä häm Mostafa Kämal Atatörekkä baş möğallim titulı birelä.  1981 nçe yılda Atatöreknen tuuınıñ 100 yıllığında Törkiyädä bu kön Uqıtuçılar köne itep bilgeläp ütelä başlıy.

1934 nçe yılnıñ  24 nçe noyabrendä Törkiyä ilbaşı Mostafa Kämal Törkiyä Böyek Millät Mäclesendä qabul itelgän qanun nigezendä Atatörek familiyäsen ala.Älege qanun belän Atatörek familiyäsen barı tik Mostafa Kämalga ğına qullanırğa röxsät birelä.

1976 nçı yılnıñ älege könendä Törkiyädä Van häm anıñ tirä yağında barlıqqa kilgän 7,2 ball zurlığındağı cirteträwdä 3 meñ 840 keşeneñ ğomere özelä.  

1989 nçı yılnıñ 24 nçe noyabrendä “PKK”lı terrorçılar Hakkarinıñ İkiyaka awılında kübese balalar häm xatın – qızlar bulu bergä 28 keşene üterä.

1991 nçe yılnıñ älege könendä dönyaküläm tanılğan “Kuin” törkeme solistı Freddi Merk’yuri Londonda ülä.

2015 nçe yılnıñ 24 nçe noyabrendä Törkiyä – Rusiya mönäsäbätlärendä yaqın tarixtağı iñ zur krizis barlıqqa kilde. Süriyädän kütärelep kitkän Rusiya hawa köçläreneñ SU-24 tibındağı xärbi oçqıçı Törkiyä hawa kiñlege qağıydäsen bozğan öçen Törkiyäneñ F-16 ları belän bärep töşerelde. 

2017 nçe yılnıñ älege könendä Misırnıñ Äl Ariş qalasında “Äl Qaidä” terrorçıları ber mäçetkä bombalı häm qorallı höcüm oyıştıra. Höcümdä 305 keşeneñ ğomere özelä ,100 dän kübräk keşe yaralana.