Bu könne närsälär bulğan?

Tarixta bügen - 4.11.2019

Bu könne närsälär bulğan?

1494nçe yılnıñ 6nçı noyabrendä Trabzonda 10nçı Ğosmanlı padişaxı Qanuni Soltan Söläyman dön’yağa kilä.

 

1860nçı yılda bu könne Abraham Linkol’n AQŞnıñ 16nçı ilbaşı bulıp saylana. İldä anıñ çorında qollıq beterelä.

 

1893nçe yılnıñ 6nçı noyabrendä Sankt-Peterburgta böten dön’yağa mäşhür kompozitor Petr İl’yiç Çaykovskiy baqıylıqqa küçä. Aña 53 yäş’ bula.  

 

1944nçe yılda bu könne AQŞ Xênford atom ob’yektlarında täwge tapqır plutoniy citeşterälär. Anı Yaponiyäneñ Nagasaki şähärenä atılaçaq atom bombasın yasawda qullanalar.

 

1983nçe yılnıñ 6nçı noyabrendä Törkiyädä 12nçe sentyabr’ xärbi tüntäreleşennän soñ xalıq täwge tapqır tawış birä. Anda Turgut Özal citäkçelegendäge Anawatan partiyäse küpçelekne ala häm mäclestä 211 urın belän xakimiyätkä menä. Tüntäreleşçelärne yaqlawçı Milliyätçe demokrat partiyäsen isä parlamentta 71 xalıq ışanıçlısı ğına wäkillek itä.

 

1985nçe yılnıñ 6nçı noyabrendä Kolumbiyädä xökümätkä qarşı suğışçılar başqala Boğotadağı ğadälät sarayın basıp ala. İminlek köçläre belän çıqqan bäreleştä 115 keşeneñ ğomere özelä.

 

1988nçe yılda bu könne PKKlı terrorçılar Törkiyäneñ Mardin töbäge Dargeçit rayonında ber awılğa basqın oyıştıra häm 3 uqıtuçını da kertep 4 keşene şähit itä.

 



Bäyläneşle xäbärlär