Bu könne närsälär bulğan?

--- 1923nçe yılnıň 29nçı üktäbr’ könne Törkiyä Böyek Millät Mäclese tarixi utırış belän Azatlıq suğışınnan soň yaňa tözelgän däwlätneň säyäsi rejimınıň “Cömhüriyät” bulaçağın dönyağa iğ’lan itä. Töp qanunğa (Konstituśiyägä) kertelgän üzgäreş belän “Törkiyä Cömhüriyäte” tözelä. Cömhüriyätneň iğ’lan itelüe belän Törkiyä Böyek Millät Mäclese Başlığı Mostafa Kemal Atatörek Törkiyä Cömhüriyäteneň berençe Däwlät başlığı bulıp saylana.

--- 1924nçe yılnıň şuşı könendä Lozanna tınıçlıq kileşüendä yazmışı Millätlär Cämğiyätenä qaldırılğan Musul xaqında qarar açıqlana. Törkiyä-Ğiraq (Ğıyraq) çige Musul Ğiraqta (Ğıyraqta) qalaçaq räweştä bilgelänä.

--- 1929nçı yılnıň 29nçı üktäbrendä dönya global’ külämdä iq’tisad krizisı belän berençe tapqır tanışa. N’yu-York birjasındağı akśiyalar böten qimmäten yuğalta, birja tarqala. Başta Amerika Quşma Ştatların, annan soň Awrupa illären çolğap alğan “Zur iq’tisad krizisı” çorı başlıy.

--- 1933nçe yılnıň şuşı könendä İlbaşı Mostafa Kemal Atatörek Cömhüriyätneň iğ’lan itelüeneň 10 yıllığında tarixi notığın Änkaradan böten dönya belän urtaqlaşa.

--- 1992nçe yılnıň 29nçı üktäbr’ könne Törek qorallı köçläre “PKK” terrorçılarınıň Törkiyägä kiçü sızığında urnaşqan Törkiyä-Ğiraq (Ğıyraq) çigendäge Sinhat buğazınıň kontrolen ala. Operaśiyä waqıtında 90 “PKK” terrorçısı täêsirsez xälgä kiterelä.

--- Sovetlar Berlegennän ayırılğan Qazaqstan häm Törekmänstan 1992nçe yılnıň şuşı könendä berençe ilçeleklären Änkarada aça.

--- 1998nçe yılnıň 29nçı üktäbr’ könne Törkiyä, Azärbaycan, Görcestan (Gruziya), Qazaqstan häm Üzbäkstan Xäzär häm Urta Aziya neft’läreneň könbatış bazarlarına Baqı-Tbilisi-Cäyhan neft’ ütkärgeçe belän citkerelüenä qağılışlı Änkara deklaraśiyäsenä qul quya.

--- 2006nçı yılnıň şuşı könendä Nigeriya başqalası Abujada ber yulçı oçqıçı kütärelgännän soň şunda uq 104 yulçısı belän kilep töşä. Qazadan barı tik 6 keşe isän qala.

--- 2013nçe yılnıň 29nçı üktäbrendä Marmaray açıla häm berençe säfär Üsküdardan Yänikapığa yasala. Marmaray Qıtay belän Angliya arasında özleksez timer yulı liniyasın tämamlağan bula.

--- 2018nçe yılnıň şuşı könendä Yaňa İstanbul hawa mäydanı açıla. Yaňa hawa mäydanı 6 bäysez oçış yulı, 500 oçqıç sıydırışlılığı häm ber yıllıq 200 million yulçı säläte belän dönyanıň iň zur aêroportı bula.