Änkarada udmurt ğalime Al’bert Razin iskä alındı

2019nçı yılnıň 19nçı üktäbr’ könne Törkiyä başqalası Änkarada urnaşqan Tuqay häykäle yanında üz tuğan telen yaqlap üzen yandırğan udmurt ğalime Al’bert Razinnı iskä alu çarası uzdı.

Änkarada udmurt ğalime Al’bert Razin iskä alındı
Änkarada udmurt ğalime Al’bert Razin iskä alındı
Änkarada udmurt ğalime Al’bert Razin iskä alındı

2019nçı yılnıň 19nçı üktäbr’ könne Törkiyä başqalası Änkarada urnaşqan Tuqay häykäle yanında üz tuğan telen yaqlap üzen yandırğan udmurt ğalime Al’bert Razinnı iskä alu çarası uzdı.

Mustafa Gültäkin fotosüräte

İň başta udmurt ğalime Razin ber minutlıq tınlıq belän iskä alınğannan soň Qırımtatar milli mäcleseneň ğomum särkätibe, Törkiyädäge Qırım tatarları mädäniyät häm yärdämläşü cämğiyäte başlığı wäkile advokat Namık Kemal Bayar çığış yasadı.

Bügenge köndä Rusiyä Federaśiyäsendäge milli tellär häm milli mäktäplär belän bäyle problemalarğa iğ’tibarnı yünältüçe Kemal äfände Razinnı Rusiyädä millätlärne yaqlawçı bularaq berqayçan da onıtmayaçaqların belderde.

Çaranı oyıştıruçılarnıň berse, ädäbiyat belgeçe Roza Qorban tatar milli şağire Ğabdulla Tuqaynıň häm udmurt ğalime Al’bert Razinnıň ana telgä qarata bulğan urtaq totışınıň tuğan tellärenä birgän ähämiyätlärendä häm qimmätlärendä buluın assızıqlap äytep uzdı.

Mondıy intixarlarnı xuplamasaq ta, şulay da ul millionnarnı uyatuğa kiterüen assızıqlawçı Roza xanm: “Al’bert Razin tuğan tele, milläte öçen üzen fida itkän häm anıň isemen yäşätü, anın başlağan köräşen däwam itü – härkemneň burıçı”, - dip äytte.

Roza xanım üzeneň çığışın Robert Miňnullinnıň “Udmurt yana” şiğire belän tögälläde.

Robert Miňnullinnıň “Udmurt yana” şiğireneň törekçägä tärcemäsen isä Liliyä Sabır uqıdı.

Al’bert Razinnı iskä alu çarası Tuqaynıň “Tuğan tel” cırı belän tämamlandı.

 

Mustafa Gültäkin fotosüräte

 

 
 


Bäyläneşle xäbärlär