Bu könne närsälär bulğan?

Bügen 2019 nçı yılnıñ 15 nçe oktyabre. Bu kön tarixqa nindi waqıyğalar belän kerep qalğan soñ, şunı qarap uzıyq.

1836 nçı yılnıñ 15 nçe oktyabrendä fälsäfä dön’yasınıñ tanılğan şäxese Niśşe Germaniyanıñ Lyuśen qasabasında dönyağa kilä.

Franśiya saq astına alğan häm Germaniya küzläw oyışmasına mäğ’lümatlar birüen qabul itkän Niderland biyüçese Mata Xari

(Margareta Gertruida) 1917 nçe yılnıñ älege könendä üterelä.

Ğazıy Mostafa Kämal Atatörek 1927 nçe yılnıñ 15 nçe oktyabrendä “Cömhüriyät xalıq” partiyäseneñ 2 nçe qorıltayında “Notıq”nı uqıy başlıy.Anı uqu 6 kön däwam itä.

1928 nçe yılnıñ bu könendä Germaniyadan quzğalıp kitkän dönyanıñ iñ zur dirijable Graf Śeppelin Amerika Quşma Ştatlarına barıp citä. Oçış 111 säğät’ däwam itä.

1964 nçe yılnıñ 15 nçe oktyabrendä Sovetlar Berlege liderı Nikita Xruçşev yal itkändä wazıyfasınnan alına. Anıñ urınına Brejnev saylana.

1993 nçe yılnıñ älege könendä Kön’yaq Afrika däwlät başlığı De Klerk belän Afrika milli kongressı başlığı Nel’son Mandelağa Nobel’ Tınıçlıq büläge birelä.

2003 nçe yılnıñ 15 nçe oktyabrendä Azärbaycanda uzğan saylaw näticäsendä İlham Aliyev däwlät başlığı bula.

2013 nçe yılnıñ bu könendä Filippinnarda 7,2 ball zurlığında cirtetraw barlıqqa kilä, anda 144 keşeneñ ğomere özelä.

2017 nçe yılnıñ 15 nçe oktyabrendä Somali başqalası Mogadişodağı bombalı höcümdä 276 keşe yaqtı dönyadan kitä, 275 keşe yaralana.