Bu könne närsälär bulğan?

70nçe yılnıñ 7nçe sentyabrendä imperator Titus komandalığındağı Rim armiyäse Qudüsne basıp ala häm talıy.

1533nçe yılda bu könne Angliyäne dön’yadağı iñ ähämiyätle däwlät xälenä kitergän patşabikä Êlizabet 1nçe dön’yağa kilä.

1776nçı yılnıñ 7nçe sentyabrendä dön’yada täwge tapqır su astı höcüme oyıştırıla. Bäysezlek suğışında amerikalılar yasağan häm “Taşbaqa” iseme birelgän su astı caylanması N’yu-York portına kergän Angliyä flotınıñ köymäse astına säğat’le bomba urnaştıra, ämma höcüm uñışsız bula.  

1812nçe yılda bu könne Franśiyä imperatorı Napoleonnıñ ğaskärläre ruslarnı Borodino suğışında ciñä.

1927nçe yılnıñ 7nçe sentyabrendä AQŞ uylap çığaruçısı Filon Teylor Farnsuort tulısınça êlektron sistemalı êşläwçe täwge televizornı yasıy.

1940nçı yılda bu könne Germaniyä hawa köçläre Londonnı bombalıy başlıy. Ul 57 kön tuqtawsız däwam itä.

2011nçe yılnıñ 7nçe sentyabrendä “Lokomotiv Yaroslavl’” xokkey komandasın utırtqan oçqıç aêroporttan kütärelgännän soñ İdel yılğasına kilep töşä. Borttağı 45 keşedän 44e hälaq bula.