Bu könne närsälär bulğan?

1389 yılda bu könne Ğosmanlı armiyase serblarnı Kosova Mӓydan suğışında ciňӓ. Soltan Murat I ciňüdӓn soň suğış mӓydanın qarap çıqqan waqıtta yaralanğan ber serb ğaskӓriye tarafınnan üterelӓ.

1922 yılnıň 27 avgust könne Törkiyӓ armiyase Greŝiya yawlawındağı Afyon vilayӓten qotqara.

1950 yılda bu könne BBC diňgez aryağında berençe tapqır tapşıru yasıy.

1979 yılnıň 27 avgustında Törek hawa yullarınıň Frankfurttağı byurosına ASALA terror oyışması tarafınnan bombalı höcüm oyıştırıla.

1973 yılda bu könne Törkiyӓ-Ğiraq neft’ ütkӓrgeçe kileşüe imzalana.

1978 yılnıň 27 avgust könne Birma hawa yullarına bӓyle ber oçqıç hawada şartlıy, oçqıçqa utırğan 14 keşeneň ğomere özelӓ.

1982 yılda bu könne Törkiyӓneň Ottavadağı ilçelegendӓ xӓrbi attaşe wazifasın başqarğan Atilla Altıkat ASALA terror oyışması tarafınnan oyıştırılğan qorallı höcümdӓ şӓhit bula.

2002 yılnıň 27 avgust könendӓ Tokioda ber mӓxkӓmӓ berençe tapqır Yaponiyaneň İkençe bötendönya suğışında hӓm annan alda biologik qoral qullanuın qabul itӓ.

2007 yılda bu könne Greŝiyaneň Mora yarımutrawınıň öçtӓn ike öleşendӓ küzӓtelgӓn hӓm ğadӓttӓn tış xӓlneň iğlan itelüenӓ sӓbӓpçe bulğan urman yanğınnarında 62 keşe yaqtı dönyadan kitӓ.