Bu könne närsälär bulğan?

Bügen 2019 nçı yılnıñ 22 nçe avgustı. Bu kön tarixqa nindi waqıyğalar belän kerep qalğan soñ?              

1642 nçe yılnıñ 22 nçe avgustında Angliyädä 9 yıl däwam itäçäk watandaşlar suğışı başlana. Ul 1651 nçe yılnıñ 3 nçe sentyabrendä parlament tarafdarlarınıñ ciñüe belän tögällänä.

Yordaniyadağı arxeologik Petra mäydanın şveśariyäle säyäxätçe Yogann Burkxard 1812 nçe yılnıñ älege könendä taba.

1864 nçe yılnıñ 22 nçe avgustında 12 däwlät täwge Jeneva konvenśiyäsen imzalıy, Qızılhaç tözü qararına kilenä.

1910 nçı yılda bu könne Yaponiya Koreyanı üzenä quşa.

1926 nçı yılnıñ 22 nçe avgustında Greśiyädä Teodoros Pangalos citäkçelege Yorgos Kondilis citäkçelegendäge tüntäreleş belän bärep töşerelä.

1929 nçı yılda älege könne Berençe bötendönya suğışında Ğosmanlı armiyäsendä wazıyfa başqarğan alman general Liman von Sanders yaqtı dönyadan kitä.

 1965 nçe yılnıñ 22 nçe avgustında Sadun Boro cilkänle köymäse belän 2 yıl 10 kön däwam itäçäk dönya turına çığa.

2000 nçe yılnıñ älege könendä Azärbaycannıñ êlekke däwlät başlığı Êbulfez Êl’çibey mäñgelekkä küzlären yoma.

2017 nçe yılnıñ 22 nçe avgustında mili köräşçe Rıza Kayaalp Parijda uzğan 2017 Bötendönya köräş çempionatında 3 nçe tapqır dönya çempionı bula.