"Elbasan taba" reŝeptı

Tarix buyı şaqtıy ŝivilizaŝiya yӓşӓgӓn Anadolu iskitkeç tarixi hӓm mӓdӓni baylıqlarğa iyӓ. Alar hiçşiksez törek aş-suların da bayıtqan. Bügen ütkӓne Balkanğa, Albaniyağa qadӓr barıp totaşuçı, Ğosmanlı sarayı aş-sularınnan çıqqan aş-su reŝeptı belӓn urtaqlaşırbız. Elbasan taba dip atala ul.

Elbasan taba öçen tübӓndӓge rizıqlar kirӓk:

4 aş qaşığı sarı may

2 aş qaşığı sıyıq may

1 kg söyӓkle bӓrӓn ite

10 waq suğan

0,5 çӓy qaşığı toz

2 stakan yogurt

2 yomırqa sarısı

1 stakan tutırmıyça on

1 çӓy qaşığı qızıl borıç

0,5 çӓy qaşığı qara borıç

0,5 stakan su

İň êlek sarı may belӓn sıyıq maynı ber kӓstrül’dӓ qızdırabız. İtlӓrne kӓstrül’gӓ salabız hӓm qızu utta ӓylӓnderep, qızdırırğa kirӓk. Annarı waz baş suğannarnı quşabız, 2-3 minuttan soň qaynar su salıp, toz östibez. Utnı qısabız hӓm itlӓr yomşarğançı 1 sӓgӓt’kӓ yaqın peşerergӓ kirӓk. Alar peşkӓndӓ yogurt, yomırqa sarıları, on hӓm sunı ber sawıtta bolğatabız.

Peşkӓn itlӓrne söyӓklӓrennӓn ayırabız hӓm suğannar belӓn bergӓ miç tabasına tezӓbez. Östenӓ qara borıç hӓm qızıl borıç sibӓbez. Onlı, yogurtlı massanı itlӓr östenӓ salabız. 180 dӓrӓcӓdӓ cılınğan miçtӓ öste qızarğançı 25 minut tirӓse peşerӓbez.

Aşlarığız tӓmle bulsın!