Mutancana

Töreklär Urta Aziyadan Anadoluğa küçenep häm annan soñ Anadoluda Sälcuqlı häm Ğosmanlı imperatorlıqları belän däwam itkän barışta törle cämğiyät’lär belän aralaşa. Bu yoğıntı aş-sularğa da täêsir itä.

Ğosmanlı kuxnyası Anadolunıñ uñdırışlı tufraqları ,tarixi baylıqları häm küp kenä xalıq mädäniyatınıñ täêsirendä dönyanıñ iñ zur qatnaş kuxnyasına äwerelä. Bügenge köndä Amerikadan Qıtayğa, Rusiyädän Afrikağa qadär dönyanıñ şaqtıy töbägendä Ğosmanlı kuxnyasınıñ êzlären kürergä mömkin.

Ğosmanlı imperatorlığı bügenge köndä bulmasa da anıñ aş-suları dönyanıñ bik küp kuxnyasında yäşäwen däwam itterä. Bügenge tapşıruıbızda sezgä Ğosmanlı däwerennän qalğan mutancana isemle rizıqnı peşerergä öyrätäbez. Mutancana - tatlı häm äçkeltem tämnär bergä quşılğan ,törle ciläk-cimeşlär belän  äzerlängän itle rizıq. 

Mutancana äzerläw öçen tawıq ite dä, bärän ite dä qullanırğa mömkin. Bez bügen anı bäti itennän peşeräbez. Ä xäzer kiräkle azıq-töleklärne sanap kitik:  

800 gramm bäti ite

100 gramm waqlap turalğan suğan

50 gramm badäm töşe

50 gramm örek

50 gramm qaraçimeş

50 gramm kipterelgän incir

2 aş qaşığı aqmay

2 aş qaşığı bal

Toz

2 stakan cılımsa su

1 çäy qaşığı sumak

Ä xäzer mutancananı peşerügä kereşäbez. Kästrüldä aqmaynı êretäbez. Aña bärän iten salabız häm it suı betkänçe bolğata –bolğata qızdırabız. Annan soñ waqlap turalğan suğannı östäp tağın 2-3 minut qızdırabız. Cılımsa su östäp astın qısıp 45 minıt peşeräbez. Qaracimeş,bal,toz östäp tağın 5 minut peşerüne däwam itteräbez. Başqa ber tabada  êsse suda  peşeklängän badäm , ozınça turalğan incir häm örekne ciñelçä qızdırıp alabız. Alarnı kästrüldäge itkä quşıp tağın berniçä minut peşeräbez. Äzer rizıqnı tälinkägä salıp  ülännär belän bizäp tabınğa çığarabız.Aşlarığız tämle bulsın.