Bu könne närsälär bulğan?

 1814nçe yılnıñ 4nçe aprel’ könne Napoleon täxetennän berençe tapqır çigenä.

1913nçe yılnıñ 4nçe aprel’ könne Ğosmanlı imperatorlığında “Xatınnar dönyası” isemle jurnal tözelä. Tözelü maqsatı isä ğomum bularaq xatın-qız xoquqların häm iregen arttıru, xatın-qızlarnıñ añlılandırıluın täêmin itü häm alarnıñ êş häm sośial’ tormışında täêsirle buluın buldıru bula.

1949nçı yılnıñ 4nçe aprel’ könne NATO tözelä. Waşingtonda Amerika Quşma Ştatları, Bel’giya, Daniya, Franśiya, Lyuksemburg, Norvegiya häm Portugaliya Tön’yaq Atlantika paktı oyışmasınıñ (NATO) tözelüen raslawçı kileşügä qul quya.

1953nçe yılnıñ 4nçe aprel’ könne Diñgez köçlärenä bäyle “Dumlupınar” suastı köymäse, NATO xärbi künegülärennän qaytqan çaqta, Çanakkalä (Dardanel) buğazında Şveśiyanıñ “Naboland” köymäse belän bäreleşep bata. 81 törek diñgezçese şähit bulğan şuşı kön "Diñgez şähitlären iskä alu köne” itep iğ’lan itelä.

1968nçe yılnıñ 4nçe aprel’ könne Afrikalı-Amerikalı Baptist pastor häm amerikan ildäş xoquqları xäräkäteneñ äydäp baruçısı Martin Lyuter King Jr üterelä. Martin Lyuter dönya külämendä qırıslıqqa qarşı çığuı häm ıruğ tigezlege qaraşları belän tanıla häm 1964nçe yılda Nobel’ tınıçlıq bülägenä layıq bula.

1979nçı yılnıñ 4nçe aprel’ könne Paqıstan Baş ministrı Zülfikar Ali Butto asılıp üterelä.

1997nçe yılnıñ 4nçe aprel’ könne törek xärbiye häm säyäsät êşleklese Alparslan Türkäş wafat bula.

2010nçı yılnıñ 4nçe aprel’ könne “TRT”neñ ğaräpçä kanalı “TRT Äl Arabia” tapşırularına başlıy.