Nogayşa 156: Nege namaz kılamız? (2)

►Nogayşa 156: Nege namaz kılamız? (2)

Namazdıñ hikmetleri,   

Em namazdı nege 

Qılganımız kerekkeni,

Baresinde bîr alimdiñ    

Aytqanlarından qalgan

Bazı maneler nav bolgan:

“Endi ey namazını, 

Qılmaytagan adem! 

Em ey nav namazdı, 

Süymeytegan nepsim! 

-Ötken yuma aytılgan

Hikaye temsilinde-   

Ol hakim, Rabb’imiz,   

Yaratuvşı Allah bolgan...

Sosı eki qızmatşı     

Yolavşıdıñ bîrevi,     

Dinine muqayyet,

Namazını süyünüp  

Qılatagan adem bolgan...

Ana bîrev yolavşı, 

Gapil em namazsız,    

Bazı insanlar bolgan...

Sosı yırma tört altın,   

Yırma tört saatlik 

Är kündeki ömür bolgan...

Em has şiplik tagı 

Abedi Yannet bolgan..

Em istasyon, kabir bolgan.

Ketiliyek yol tagı;    

Barı insanlar üşün     

Qabir, haşir, abedke

Sozılgan yol bolgan...

Qullıq em taqvadıñ 

Quvvatı nispetinşe, 

Türlü türlü darecede,

Sosı yol ötilgen...

Ol yolda ketkenlerden

Bîr kesek taqva ehli,

Allah’tan tartınıp

Emrine uyganlar, 

Aynı ayındırıqqa usap 

Miñ sanalik bîr yoldı,

Bîr künde ötiyekler...

Bîr kesegi tagı em  

Elli miñ sanelik yoldı,

Bîr künde ketiyekler...

Kur’an-ı Azimüşşan,

Şanı azamatlıKur’an,   

Mine nav aqıyqattı,

Eki ayetinde bildirgen...

Sosı bilet tagı em, 

Namazımız bolgan...

Bîr tek saat bes vaqıt

Namazga abdeslermen   

Barabarşa käpi kelgen...

Acaba yırma üş saatti, 

Nav qısqaşıq dünyaga,  

Qarcagan bîr insan,

Soñda sosı uzunşa   

Abadi bîr yaşavga,  

Bîr tek saatti bermese,

Neşe zararlar etip   

Özine de zulüm etken!

Em eske teris tüsken!

Nege desek misal bolsa,    

Miñ ademdiñ qosılganı

Bîr piyango qumarına   

Yarı maldı bergendi, 

Aqıl qabul eterse,

Oysa qazanıyaq ihtimal,     

Anşa mîñde bîr bolgan...

Nav misalmen qaransa,  

Yırma törtten bîr maldı,  

Yüzde toqsan toguz

İhtimalman qazanuvga,     

Äş şüphe bolmay em, 

So abadi qaznaga,

Bîr adem bermese,   

Barı estin terisine; 

Aqıldan erek qalıp

Em hikmettiñ zıddına     

Areket etkenini,  

Özini esli körgen,

Är bîr adem añlagan...

Nege desek namazda,  

Ruh, köñil aqıldıñ 

Neşe rahatı bolgan!

Em badenimizge tagı, 

Avır keliyek darecede 

Bîr qullıq bolmagan...

Em namaz qılgandıñ  

Etken basqa isleri, 

Yahşı bîr niyetpen

İbadet ökmini algan...  

İsleriniñ baresini, 

Allah,ibadetke saygan...

Nav keppen ömriniñ 

Barı sermayesini,    

Ahiret’ke saydırgan...

Soñda sosı ömrini,  

Fani ötivşi ekende, 

Bîr yaqtan baqıy qılgan...

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com