Nogayça 119: Hazret-i Paygambar’dıñ (as) bereket mucizeleri (7)
Bu yuma “ HAZRET-İ PAYGAMBAR’DIÑ (as) BEREKET MUCİZELERİ” baresindeki habarlasuvlardıñ soñına keldik...
Bereket baresinde,
Yüzlerce mucizeden
Onaltınşı bîr misal:
Basta Buhari bolup
Basqa tuvra kitaplarda,
Berk bolgan rivayetpen
Bizlerge bildirilgen
Bîr mucize, nav bolgan:
Hazret-i Ebu Hureyre,
Bîr keresinde aş qalgan.
Paygambar’man (as) barabar
Üylerine barganlar.
Qarasalar bîr ayaq
Süt ediya kelgen.
Rasül-i Ekremaleyhisselam:
“Suffe’deki kîmler bolsa
Onlardı barı şaqır!”
Dep oga emir qılgan.
Ebu Hureyre tagı:
“Sosı süttiñ baresini,
Özi basıma işermen.
Men taga ziyada
Nav sütke muqtajban!”
Dep işinden ötkergen.
Tek Paygambar(as)aytqan üşün,
Suffe’de qalganlardı,
Barı cıyıp akelgen.
Kelgenlerdiñ sanı,
Yüz kisiden artıq eken.
Allah Rasülü (as) oga:
“Nav sütti barege
İşir!” dep emir qılgan...
Ebu Hureyre radiyallahü anh,
Mundan soñda bolganlardı,
Navı kepte aytqan:
“Men ayaqtaqı sütti,
Bîrer bîrer barege,
İşsin dep bereberdim.
Är bîrevi toygaşe
İşken soñ basqasına
Sosı sütti berer edim.
Ene süytüp kezüvmen
Ol mübarek sütti,
Barı Ashab-ı Suffe,
İşeberip toydılar.”
Soñda Rasülaleyhisselam:
“Senminen men qaldıq;
Endi sütti sen iş!”
Degen soñ men tagı
Sütti işip basladım.
Men işkensaytın ol,
“Bîr taga iş, bîr taga!”
Dep maga buyurdı.
Soñda men Paygambar’ga (as):
“Seni haqpan yibergen
Calal iyyesi Allah’qa
Yemin etermen taga
Qursagımda äş bîr yer
Qalmagan!” dep ayttım.
Artından özi aldı;
Bismillah dep hamdetip
Qalgan sütti iştiler”
Yüz miñ afiyet bolsun!
Mine nav süttey temiz,
Tagı aq, em lekesiz,
Äş şüphe qarıspagan
Abıraylı mucizedi,
Bes yüz miñhadisti,
Azberine algan
Hazret-i İmam Buhari,
Em abıraylı altı hadis
Kitabınıñ baresi,
Nav mucizedi yazaberip
Bizlerge yetkergenler...
Buhari, Müslim, Nesayi,
İbni Mace, Ebu Davud,
Em de Tirmizi degen
Sosı altı kitapta,
Eger bîr hadis yazılsa,
Közminen körgendey,
Tuvra, üşün, haq bolgan...
Em de sosı mucize,
Paygambar’dıñ (as) bîr ullı
Medresesi Suffe’diñ
Abıraylı em sıylı,
Tuvra hadis hapızı,
Em soqtası Ebu Hureyre’diñ (ra)
Barı Ehl-i Suffe’di,
Şayit tutup aytqanı;
- Allah razı bolsun onlardan-
Baresinin atına
Bergeni nav qabardı,
Tevatürdey berk bilip
Qabul etpese insan,
Ya qalbi bızıq bolgan,
Yade esi bolmagan...
Acaba Ebu Hureyre’dey(ra)
Tuvra, em yaşavını,
Hadislerge, em dinge,
Bergen bîr sahabe,
Em de “Menden bile bile
Ötürük bîr zattı,
Sankim men aytqanday
Qabar berse bîr kisi,
Yahannem’de oturıyagı
Yerini azirlesin!”
Hadisini esitken,
Sosı hadisti em
Bizge özi naqil etken,
Hazret-i Ebu Hureyre,
Äş imkänı bolarma,
Azberine alganı
Hadislerdiñ baresiniñ
Qıymatıman savlıgını
Şüpege tüsürüp;
Em de Ehli Suppe’diñ
“Sen ötürükşi bîrevsin!”
Degenine hadep etip
Tuvra bolmagan bîr sözdi,
Äş tartınmay aytsın;
Asla imkän bolmagan!
Nav mucizelerdiñ körsetkeni
Bîr haqıyqat nav bolgan:
Muhammed Paygambar(as),
Yaratılgan ne bolsa,
Baresini yaratıp
Tagı rızqını bergen,
Maramatlı bîr Rab’tıñ,
Soñsız comartAllah’tıñ
Süygüli memurı bolgan...
Em de sıylı bîr qulı
Bolgan Muhammed’ke
-aleyhissalatü vesselam-
Şeşit şeşit rızıqtıñ
Em yoqtan, em gayptan,
Allah’tıñ özi yaqtan
Bereketpen kelgeni,
So mübarek quldıñ
Paygambar bolganına
Äşkere delil bolgan...
Ya Rab nav Rasül’diñ
-Aleyhissalütü vesselam-
Bereketi örmetine
Bizge ihsan qılganın
Maddi manevi rızqımızga,
Sen bereket ihsan qıl (amin!)
Savlıqpan qalıñız!
Dr. Yusuf ALTINIŞIK
Email: altinisikyusuf@gmail.com